Fota Siarhieja Hudzilina
U studzieni 2020 hoda nabuduć moc inicyjanavanyja Ministerstvam abarony źmieny ŭ Pracoŭnym i Žyllovym kodeksach Biełarusi. Jany buduć tyčycca sałdat, jakija prajšli praz terminovuju słužbu i zvolnilisia ŭ zapas. Pra heta paviedamlaje pres-słužba Minabarony.
Zaraz situacyja vyhladaje tak. Kali chłopiec pryzyvajuć u armiju, jon musić zvolnicca sa svajho miesca pracy. Ale kali termin słužby zakančvajecca, to ŭziać jaho nazad na tuju ž abo raŭnaznačnuju pasadu abaviazany arhanizacyi vyklučna dziaržaŭnaj formy ŭłasnaści.
U ich pracoŭnaje miesca za ciapier užo byłym sałdatam zachoŭvajecca na praciahu troch miesiacaŭ paśla daty zvalnieńnia ŭ zapas. Ciapier ža hetaja norma pašyrycca i na pryvatnyja arhanizacyi.
Akramia taho, z 1 studzienia junaki, jakija adsłužyli ŭ vojsku, atrymajuć pieršačarhovaje prava na atrymańnie miesca ŭ internacie. Dla hetaha treba budzie pradastavić adpaviednuju rekamiendacyju z voinskaj čaści.
Ministerstva abarony nahadvaje, što prapracoŭvajucca jašče šeść vidaŭ prefierencyj dla tych, chto byŭ pryzvany ŭ armiju. Jany tyčacca adukacyjnaha i sacyjalnaha napramku. Siarod ich — zaličeńnie terminu słužby ŭ strachavy piensijny staž i čas dziaržaŭnaj słužby.
