U Kurapatach rabočyja vykapali sotni jamaŭ pad drevy. Pra heta ŭ fejsbuku napisaŭ Pavieł Sieviaryniec.
Jak paviedamiŭ BiełTA dyrektar Baraŭlanskaha śpiecleshasa Alaksandr Miranovič, viaducca pracy pa lesaadnaŭleńni.
«Na ŭčastku lesu, jaki prymykaje da MKAD, ciaham siezona pravodzilisia mierapryjemstvy pa ŭborcy zahinułych i kvołych drevaŭ. Na ich miescy pravodzicca lesaadnaŭleńni. Kožnaje nasadžeńnie maje svaju paŭnatu. U suviazi z tym, što nam daviałosia prybirać ssochłyja i zahinułyja drevy, źniziłasia paŭnata i adkryŭsia nižni paroh. Dla ŭstojlivaści nasadžeńniaŭ my ich padsadžvajem», — śćviardžaje Alaksandr Miranovič.
Pavodle jaho słoŭ, ciapier vysadžvajucca klony i kusty. Raboty płanujecca zaviaršyć u najbližejšy čas.
Pasadzić drevy ŭzdoŭž daroh zahadaŭ Alaksandr Łukašenka.
Łukašenka: Prajechaŭ pa Minsku — adchony hołyja. Pasadzicie chacia b jełački
Raniej, 24 maja, jon taksama jechaŭ pa MKAD i źviarnuŭ uvahu na miesca masavaha pachavańnia achviaraŭ stalinskich represij. Apisvajučy Kurapaty, Łukašenka daŭ rasparadžeńnie: «Tut treba zaniacca dadatkova pasadkaj drevaŭ. I jany, chto tam lažyć (jany nas bačać), dziakuj skažuć. Pa pierymietry tui možna».