Dvoje maładych ludziej prydumali niachitruju (ci chitruju) schiemu.
Jany padychodzili na vulicy da dziaciej i prasili abo patelefanavać, abo napisać paviedamleńnie ź ich mabilnaha telefona. Źviartalisia ŭ asnoŭnym da 10-11 hadovych dziaciej, paviedamlaje milicyja ŭ svaim telehram-kanale.
Kali smartfon akazvaŭsia ŭ rukach maładzionaŭ, jany rabili vyhlad, što nabirajuć numar ci drukujuć tekst, ale nasamreč stavili śpiecyjalny dadatak, z dapamohaj jakoha praz apieratara sotavaj suviazi brali mikrazajm 100 rubloŭ. Suma tut ža pieravodziłasia na rachunki fihurantaŭ. Praź miesiac paciarpiełym prychodziła apaviaščeńnie pra nieabchodnaść pahasić zapazyčanaść.
Supracoŭniki ŭpraŭleńnia «K» ustanavili złamyśnikaŭ. Heta — 18-hadovyja minčuki.
Milicyja źviartaje ŭvahu, što kali vy, abo vašy dzieci paciarpieli ad złačynnych dziejańniaŭ hetych ludziej, prośba źviartacca ŭ Frunzienskaje RUUS (vuł. Kalvaryjskaja, 41) asabista abo pa telefonach:
— 8 017 239 68 73
— 8 017 252 02 02
— ci 102
