Pra zabaronu vice-śpikier daviedałasia pry pierasiačeńni polska-biełaruskaj miažy, pieradaje Radyjo Polšča.
«Mianie painfarmavali, što ja tam piersona non-hrata i mnie zabaroniena jechać u RF», — skazała Polskamu radyjo Hasieŭska. Jana raskazała, što pierasiakajučy miažu jana adčuła siabie inakš:
- Ja pierasiakała miažu daŭžej, čym u kožnym inšym vypadku. Ja daviedałasia, što mnie zabaronieny ŭjezd u Rasijskuju Fiederacyju. Tolki ja nie viedaju, čamu pra heta mianie infarmuje biełaruskaja miaža.
Na biełaruskaj miažy taksama chacieli pravieryć bahaž vice-śpikiera Sejmu, niahledziačy na toje, što jana jechała aŭtamabilem hienieralnaha konsuła z Hrodna. Małhažata Hasieŭska naviedała polskuju nacyjanalnuju mienšaść u Biełarusi.
U kamientary partału TUT.by aficyjny pradstaŭnik Dziaržaŭnaha pamiežnaha kamiteta Biełarusi Anton Byčkoŭski paćvierdziŭ słovy polskaha palityka.
«Joj paviedamili, što jana źjaŭlajecca niepažadanaj asobaj na terytoryi Sajuznaj dziaržavy — heta značyć, Biełarusi i Rasii. U suviazi z tym, što z udziełam Małhažaty Hasieŭskaj byli zapłanavanyja aficyjnyja mierapryjemstvy ŭ Hrodzienskaj vobłaści, pa dazvole kampietentnych asob dla jaje było zroblena vyklučeńnie i jaje puścili ŭ Biełaruś. Adnak vice-śpikiera siejma Polščy papiaredzili pra toje, što joj zabaronieny ŭjezd u Rasiju», — raspavioŭ jon.
U Biełarusi Hasieŭska sustrakałasia z pradstaŭnikami polskaj dyjaspary. U Hrodnie jana ŭskłała kvietki da mahił palakaŭ, jakija ŭ 1939 hodzie abaraniali horad ad savieckaha nastupu. A ŭ Vaŭkavysku vice-śpikier Siejma ŭdzielničała ŭ inaŭhuracyi novaha navučalnaha hoda ŭ polskaj škole.
