Uradženiec Mahiloŭščyny, jaki ciapier žyvie ŭ Maskvie, raspavioŭ pra toje, što ŭnačy pranikaŭ u carkoŭnyja budynki, vykradaŭ ikony i załatyja vyraby dla dalejšaha prodažu, pieradaje homielskaja milicyja.
U kancy lipienia 2019 hoda ŭ Homielski RAUS pastupiŭ zvarot ab tym, što nieviadomy pranik u Śviata-Jekaciaryninskuju carkvu ŭ vioscy Hadzičava i vykraŭ abraz Božaj Maci «Usich tužlivych radaść», ikonie bolš jak 120 hadoŭ.
U pačatku vieraśnia z chrama Śviaciciela Mikałaja Cudatvorca ŭ Lenina Dobrušskaha rajona skrali abraz «Źmiakčeńnia złych sercaŭ» i załatyja ŭpryhažeńni. Adnačasova z carkvy Uviadzieńnia ŭ Chram Praśviatoj Baharodzicy ŭ vioscy Dubroŭka prapali załatyja juvielirnyja ŭpryhažeńni.
Śledčyja praanalizavali hetyja złačynstvy i znajšli padabienstva z kradziažami z cerkvaŭ, ździejśnienymi na terytoryi Bresckaj vobłaści. U vyniku apieratyŭna-vyšukovych mierapryjemstvaŭ udałosia vyjści na śled 29-hadovaha hramadzianina.
U noč na 25 vieraśnia apieratyŭniki kryminalnaha vyšuku Dobrušskaha RAUS u vioscy Dubroŭka zatrymali mužčynu z dokazami złačynstva. Jon iznoŭ uzłamaŭ zamok u carkvie Uviadzieńnia ŭ Chram Praśviatoj Baharodzicy, vynies dva kaštoŭnyja abrazy, schavaŭ na mohiłkach i čakaŭ taksi, ale sustreŭ syščykaŭ.
Pa ŭsich faktach ździajśnieńnia kradziažoŭ zaviedzieny kryminalnyja spravy. U ciapierašni čas z zatrymanym, jaki, jak akazałasia, raniej nieadnarazova sudzimy, pracujuć śledčyja.