25 vieraśnia ŭ Minsku, kala stancyi mietro «Uschod», prajšła ekałahičnaja akcyja, što zaklikała vykarystoŭvać mienš płastykavych pakietaŭ. Aktyvisty razharnuli transparanty, padniali ściah, prapanavali kožnamu achvotnamu «papłavać» u basiejnie, napoŭnienym płastykam.
Dyrektar «Apieratara druhasnych materyjalnych resursaŭ» Natalla Hryncevič raskazała pra maštabnuju kampaniju «Pakied, pakiet», u miežach jakoj i pravodziłasia akcyja.
Kampanija pa minimizacyi vykarystańnia płastyku «Pakied, pakiet» pačałasia jašče ŭ červieni z ekskursij i modnaha pakazu na śmiećcievym palihonie «Traścianiecki», zatym adbiłasia ŭ sacyjalnaj rekłamie ŭ haradskoj prastory i praciahvajecca da hetaha času. Mesedžy «Pokied, pakiet» źjaŭlalisia na biłbordach kala vialikich kramaŭ, na dźviarach hałoŭnaha ŭvachodu ŭ HC Galleria Minsk i inšych miescach. Kala bujnych staličnych handlovych centraŭ Green City i Dana Mall ustalavali admysłovyja «darožnyja» znaki. Na ich namalavany pakiet, jaki padniaŭ ruki ŭvierch i «zdajecca». Pikiet kala stancyi mietro «Uschod» — čarhovaja akcyja ŭ miežach prajekta, inicyjavanaha «Apierataram druhasnych materyjalnych resursaŭ» i rucham Target 99.
Na pikiecie «Pakied, pakiet» zamiest zvykłych podpisaŭ aktyvisty źbirali abiacańni. Minaki pakidali na ahulnym płakacie svaje «abiacaju» (nie pakavać kožny apielsin u asobny pakiet, kazać ćviordaje «nie» pradaŭcu na kasie i h.d.) i atrymlivali stykiery-napaminy pra svaju «klatvu».
