Fota ź instahrama Donalda Trampa
Bieły dom apublikavaŭ stenahramu razmovy prezidenta ZŠA Donalda Trampa z ukrainskim kaleham Uładzimiram Zialenskim, jakaja adbyłasia 25 lipienia, paviedamlaje Bloomberg. Ahienctva taksama pryvodzić spasyłku na adpaviedny materyjał.
U chodzie razmovy Tramp zajaviŭ, što «było b vydatna», kali b Zialenski vyvučyŭ spravu pra karupcyjnuju dziejnaść va Ukrainie Chantera Bajdena, syna byłoha vice-prezidenta ZŠA Džo Bajdena i pretendenta ad demakrataŭ na pasadu prezidenta na vybarach 2020 hoda. Ukrainski lidar, jak vynikaje sa stenahramy, paabiacaŭ, što novy hienprakuror (im paśla staŭ Rusłan Rabašapka) zrobić heta, a taksama zapeŭniŭ jaho, što ŭsie rasśledavańni ŭ krainie buduć praviedzieny adkryta.
U toj ža čas amierykanski lidar nie ŭviazvaŭ sa svajoj prośbaj dalejšaje vyłučeńnie Kijevu finansavaj dapamohi.
Detali razmovy Trampa i Zialenskaha, jakoj da hetaha nie było ŭ adkrytym dostupie, stali padstavaj dla abviaščeńnia amierykanskimi parłamientaryjami ab pačatku pracedury impičmientu prezidentu. U Kanhresie ZŠA zajaŭlali, što heta budzie zroblena, kali ŭdasca dakazać fakt cisku Trampa na ŭkrainskaha lidara. Na fonie hetych padziej prezident ZŠA rasparadziŭsia apublikavać stenahramu razmovy.