F64
Partyi ŭradavaj kaalicyi damovilisia ab poŭnym pieravodzie adukacyi na łatyšskuju movu. Adnak terminy realizacyi hetaj idei pakul nie vyznačany, tamu adpaviedny płan pavinna budzie raspracavać Ministerstva adukacyi, piša Delfi.
Pa słovach hienieralnaha sakratara Nacbłoka Rajvisa Zełcitsa, heta pahadnieńnie było dasiahnuta padčas abmierkavańnia prapanovy partyi ŭvieści navučańnie na łatyšskaj va ŭsich dziciačych sadkach pa zapycie baćkoŭ, niezaležna ad taho, ci źjaŭlajecca dziciačy sad łatyšskim ci ruskim.
Što tyčycca astatnich etapaŭ navučańnia, to pakul heta na ŭzroŭni idei. Pakul viadoma tolki toje, što Ministerstvu adukacyi daduć zadańnie padrychtavać prapanovy, jak pastupova da hetaha pierajści.
Staršynia Nacyjanalnaha abjadnańnia Rajvis Dzintars ličyć heta pahadnieńnie histaryčnym: «Heta pakul tolki pahadnieńnie, ale vielmi važnaje, ja b navat skazaŭ, histaryčnaje pahadnieńnie. Heta pieršy raz, kali ŭsie ŭradavyja partyi dali zialonaje śviatło na poŭny pieravod navučańnia na dziaržaŭnuju movu».
Ideju pieravodu ŭsioj adukacyi na łatyšskuju movu padtrymlivaje i premjer-ministr Łatvii Kryšjanis Karyńš. Jon ahienctvu LETA skazaŭ, što ŭ Łatvii adna dziaržaŭnaja mova, a značyć, adukacyja, jakuju apłačvajuć padatkapłacielščyki, pavinna być na dziaržaŭnaj movie.
