Kožnamu biełarusu pryjdzie SMS pra pačatak pierapisu nasielnictva. Pra heta ŭ intervju STB raspaviała staršynia Nacyjanalnaha statystyčnaha kamiteta Biełarusi Ina Miadźviedzieva.
«Kožnamu hramadzianinu Respubliki Biełaruś pryjdzie SMS. I taksama budzie dadzieny adras dla internet-pierapisu. Heta značyć možna budzie z mabilnaha telefona adrazu ŭvajści na naš sajt pierapisu», — skazała Ina Miadźviedzieva.
Z 4 pa 30 kastryčnika ŭ krainie projdzie pierapis nasielnictva. Respandentam prapanujuć adkazać na 49 pytańniaŭ, u tym liku ab asnoŭnych demahrafičnych i nacyjanalna-etničnych charaktarystykach, mihracyjnaj aktyŭnaści, adukacyi, krynicach srodkaŭ da isnavańnia, zaniataści, kolkaści dziaciej, žyllovych umovach, haspadarčaj dziejnaści.
Pierapisacca možna budzie adnym z troch sposabaŭ: samastojna i ŭ zručny čas zapoŭnić apytalnyja listy praź internet, na stacyjanarnych učastkach, u siabie doma padčas vusnaha apytańnia pierapisčyka.
