Dziaržaŭny sakratar Rady biaśpieki Biełarusi Stanisłaŭ Zaś sustreŭsia ź ministram abarony Azierbajdžana Zakiram Hasanavym. Pra heta paviedamlaje pres-słužba Minabarony Azierbajdžana, źviartaje ŭvahu Tut.by.
Fota: mod.gov.az.
Na sustrečy Stanisłaŭ Zaś źviarnuŭ uvahu na najaŭnaść pierśpiektyŭ dla pašyreńnia vajennaha supracoŭnictva pamiž Biełaruśsiu i Azierbajdžanam.
Padčas vizitu ŭ Azierbajdžan kiraŭnik Rady biaśpieki taksama sustreŭsia z prezidentam krainy Ilchamam Alijevym, kiraŭnikom administracyi prezidenta Ramizam Miechcijevym, sakratarom Rady biaśpieki Azierbajdžana Ramilem Usubavym.
Charakterna, što ŭ hetyja dni načalnik hienštaba Uzbrojenych sił Biełarusi, pieršy namieśnik ministra abarony hienierał-major Aleh Biełakonieŭ naviedvaje Armieniju.
Fota: mil.am.
U chodzie vizitu, jaki praciahniecca da 24 vieraśnia, praviedzieny dvuchbakovyja pieramovy z kiraŭnictvam US Armienii. Baki abmierkavali pytańni stanu i pierśpiektyŭ dvuchbakovaha vajskovaha supracoŭnictva, uzajemadziejańnia ŭ ramkach mižnarodnych arhanizacyj ADKB i SND, budučych sumiesnych mierapryjemstvaŭ apieratyŭnaj i bajavoj padrychtoŭki ŭzbrojenych sił Biełarusi i Armienii. Taksama adbyŭsia abmien dumkami adnosna vajenna-palityčnaha stanovišča ŭ rehijonie i śviecie, paviedamlaje Minabarony Biełarusi.
