Alaksandr Łukašenka adpraviŭ na dapracoŭku pakiet prahnoznych dakumientaŭ na 2020 hod, pradstaŭleny jamu siońnia uradam.
Pra heta paviedamiŭ žurnalistam premjer-ministr Siarhiej Rumas pa vynikach narady ŭ kiraŭnika dziaržavy, piša BiełTA.
Na naradzie, u pryvatnaści, razhladalisia prajekty prahnozu, biudžetu i asnoŭnych napramkaŭ hrašova-kredytnaj palityki na nastupny hod.
«Kiraŭnik dziaržavy paličyŭ płany ŭrada niedastatkova napružanymi pa 2020 hodzie i pakiet dakumientaŭ adpraŭleny na dapracoŭku», — raspavioŭ Siarhiej Rumas.
Zaraz uradu ŭ ścisnutyja terminy nieabchodna pierahledzieć svaje padychody, bo kiraŭnik dziaržavy daručyŭ razhledzieć prajekty respublikanskaha biudžetu i asnoŭnych napramkaŭ hrašova-kredytnaj palityki ciapierašnim składam parłamienta. «Va ŭrada jość litaralna dva-try tydni, kab likvidavać zaŭvahi i paŭtorna ŭnieści pakiet dakumientaŭ na razhlad prezidenta, — adznačyŭ premjer-ministr. — Ja dumaju, što my razam z usimi dziaržaŭnymi orhanami krytyčna padydziem da ličbaŭ prahnozu, zrobim ich bolš napružanymi. Adpaviedna, heta pavinna adbicca na biudžecie, moža być, zrabić jaho mienš deficytnym … Ciažka na siońnia skazać».
