Prezident Ukrainy Uładzimir Zialenski byŭ hatovy da sustrečy lidaraŭ dziaržaŭ «narmandskaha farmatu» 17 vieraśnia, jak i Francyja ź Niamieččynaj, ale Rasijskaja Fiederacyja pa «techničnych pryčynach» nie mahła pryniać udzieł u hetaj sustrečy, paviedamiŭ kiraŭnik MZS Ukrainy Vadzim Prystajka, piša Interfaks-Ukraina.
«Vy viedajecie, što prezident Zialenski byŭ hatovy sustrecca (u «narmandskim farmacie»), i hetaja sustreča pavinna była adbycca ŭčora (17 vieraśnia). Na žal, Rasijskaja Fiederacyja hetym razam pa techničnych pryčynach nie zmahła pryniać udzieł, choć i francuzskaja, i niamieckaja delehacyi byli hatovyja da hetaj sustrečy», — skazaŭ jon u sieradu na sumiesnym pasiadžeńni kamitetaŭ Viarchoŭnaj Rady pa pytańniach źniešniaj palityki i intehracyi Ukrainy ź ES.
