kzd.org.ua
Papa Francišak pryznačyŭ dapamožnym biskupam Kijeva-Žytomirskaj dyjacezii va Ukrainie ks. Alaksandra Jazłavieckaha, jaki da hetaha času zajmaŭ pasadu kanclera dyjacezijalnaj kuryi, piša catholic.by
Jon naradziŭsia 2 sakavika 1979 hoda ŭ Šarharadzie kala Vińnicy (Ukraina). Vučyŭsia ŭ Papskim Łateranskim univiersitecie ŭ Rymie, dzie ŭ 2013 hodzie abaraniŭ daktarat pa kananičnym pravie.
Paśla viartańnia va Ukrainu byŭ pryznačany vice-rektaram i ekanomam sieminaryi ŭ Haradku, a ŭ 2014 hodzie ŭznačaliŭ hetuju duchoŭnuju navučalnuju ŭstanovu ŭ jakaści rektara. Z 2018 hoda zajmaŭ pasadu kanclera kuryi Kijeva-Žytomirskaj dyjacezii, jakaja achoplivaje ryma-katalickija parafii Kijeŭskaj, Žytomirskaj, Čarkaskaj i Čarnihaŭskaj vobłaściaŭ Ukrainy.
Novapryznačany biskup Alaksandr Jazłaviecki staŭ samym maładym ryma-katalickim biskupam u śviecie.
Jon tolki na try miesiacy starejšy za samaha maładoha ŭ śviecie katalickaha ijerarcha, jakim źjaŭlajecca biskup Ukrainskaj hreka-katalickaj carkvy Piatro Łaza. Cikava, što treci samy małady biskup u śviecie taksama ŭkrainiec. Heta dapamožny biskup Lvoŭskaj dyjacezii Edvard Kava, jaki naradziŭsia 17 krasavika 1978 hoda
