U dziažurnuju čaść Žabinkaŭskaha RAUS na praciahu 10 chvilin pastupiła dva paviedamleńni pra vyjaŭleńnie snaradaŭ časoŭ apošniaj vajny, paviedamlaje abłasnaja milicyja.
Pieršy zvanok pastupiŭ ad miascovaj žycharki, jakaja patłumačyła, što pry praviadzieńni ziemlanych rabot u dvary doma vyjaviła pradmiet, padobny na snarad.
Supracoŭniki milicyi vyjechali na miesca vyjaŭleńnia. Heta byŭ artyleryjski snarad časoŭ Druhoj suśvietnaj vajny.
Druhoje paviedamleńnie pastupiła praz 10 chvilin ad supracoŭnika Žabinkaŭskaha cukrovaha zavoda, jaki raskazaŭ, što pry sartavańni cukrovych burakoŭ znojdzieny 76-mm artyleryjski snarad.
U ciapierašni čas bojeprypasy źniščany sapierna-piratechničnaj hrupaj v/č 5526.
0
0
0
0
0
0
