Kalehija Jeŭrazijskaj ekanamičnaj kamisii płanuje 17 vieraśnia abmierkavać pytańnie pra barjer, ź jakim sutyknulisia rasijskija vytvorcy i eksparciory bijałahična aktyŭnych dabavak (BAD) i spartyŭnaha charčavańnia pry pastaŭkach na rynak Biełarusi, piša RBK.
Ź pieraškodami ŭdzielniki rynku sutyknulisia jašče ŭ pačatku hetaha hoda, raspavioŭ vykanaŭčy dyrektar niekamiercyjnaha partniorstva «Sajuz vytvorcaŭ BAD da ježy, lačebnaha i prafiłaktyčnaha charčavańnia» Alaksandr Žastkoŭ. Havorka idzie pra novyja dadatkovyja patrabavańni, jakija Biełaruś pradjaŭlaje da acenki jakaści i biaśpieki BADaŭ, što ŭvoziacca na jaje terytoryju.
Zhodna z patrabavańniami Jeŭrazijskaha ekanamičnaha sajuza (JEAES), usie BADy i spartyŭnaje charčavańnie da vypusku na rynak prachodziać praceduru acenki adpaviednaści techrehłamientu Mytnaha sajuza, hetaja adznaka pryznajecca ŭsimi krainami, što ŭvachodziać u jaho skład. Ale ŭ studzieni 2019 hoda Saviet ministraŭ Biełarusi zaćvierdziŭ dadatkovyja nacyjanalnyja patrabavańni da kantrolu jakaści i biaśpieki preparataŭ, što ŭvoziacca.
Zaraz pastaŭščyki pavinny paćviardžać ŭ Ministerstvie achovy zdaroŭja Biełarusi naniesienuju na ŭpakoŭku infarmacyju pra spažyvieckija jakaści pradukcyi (niahledziačy na najaŭnaść hetaj infarmacyi ŭ paśviedčańni ab dziaržaŭnaj rehistracyi i, adpaviedna, pravamocnaje jaje vykarystańnie na ŭpakoŭcy), a taksama prykładać da partyj dadatkovyja pratakoły, jakija paćviardžajuć biaśpieku pradukcyi, pieradała praz pres-słužbu staršynia savieta dyrektaraŭ kampanii «Evałar» Natalla Prakopjeva. Pratakoł łabaratornych daśledavańniaŭ treba prykładać da kožnaj partyi tavaru, a samo daśledavańnie pavinna być zroblena ŭ łabaratoryi vytvorcy ci łabaratoryjach, akredytavanych u biełaruskaj Nacyjanalnaj sistemie akredytacyi.
Łabaratoryi jość nie va ŭsich vytvorcaŭ, a na praktycy kampanii sutykajucca z tym, što daśledavańniaŭ na biaśpieku i inšych ekśpiertyz, praduhledžanych zakanadaŭstvam JEAES, pry pastaŭkach u Biełaruś akazvajecca niedastatkova, i im prapanujecca dadatkova daśledavać kožnuju partyju pradukcyi mienavita ŭ łabaratoryjach, akredytavanych u Nacyjanalnaj sistemie Biełarusi. Ni adna inšaja dziaržava JEAES (akramia Biełarusi tudy ŭvachodziać Rasija, Armienija, Kyrhyzstan i Kazachstan) dadatkovych patrabavańniaŭ pry pastaŭcy BADaŭ nie vystaŭlaje.
Halinovy sajuz ličyć patrabavańni biełaruskich rehulataraŭ dyskryminacyjnymi i prosić JEEK dapamahčy ź likvidacyjaj hetaha barjera.
