U parku Horkaha ŭ Minsku z koła ahladu vypali dźviercy adnoj z zakrytych kabinak. Atrakcyjon pracavaŭ, usiaredzinie byli ludzi. Kiraŭnictva parku paćvierdziła TUT.BY incydent, jaki adbyŭsia 15 vieraśnia.
U redakcyju źviarnułasia Natalla. Viečaram u niadzielu 15 vieraśnia jana hulała pa parku, u adno imhnieńnie za 50—100 mietraŭ ad jaje pryziamlilisia dźviercy kabinki koła ahladu.
— Kali dźviery ŭpali, rabotniki parku apieratyŭna ŭsio prybrali. Paciarpiełych nie było, ale było vidać, što ŭ kabincy znachodzilisia ludzi.
Taja samaja kabinka treciaja źvierchu
Viersii taho, čamu dźviery vylecieli, u rabotnikaŭ parku krychu razychodziacca. Adny kažuć, z-za patoku ludziej dźviery jak śled nie začynili zvonku — tolki znutry ich prykryli sami naviedvalniki. Inšyja kažuć, što pry zapusku atrakcyjona nichto nie praviaraje spraŭnaść mienavita zapornaj pryłady, u jakoj jość svoj termin znosu. Mahčyma, niešta pajšło nie tak i ad vietru dźviery sarvała z zaviesaŭ.
Načalnik upraŭleńnia «Haradskija parki» UP «Minskzialenbud» Andrej Žycharaŭ kaža, što incydent byŭ, dźviery kabinki nie zakryli.
— Adbyłosia hrubaje parušeńnie instrukcyi dziažurnymi atrakcyjonaŭ, ich dyscyplinarna pakarajuć. Ničoha strašnaha nie adbyłosia — ekstrana adreahavali, spynili atrakcyjon, uklučyli reviers, viarnuli nazad. Naviedvalniki, jakija siadzieli ŭ hetaj kabincy napisali, što pretenzij da nas nie majuć. Heta čałaviečy faktar, — patłumačyŭ A. Žycharaŭ.
