Adpaviednyja papraŭki ŭniesieny ŭ zakony pa pytańniach rekłamy, paviedamlaje BIEŁTA sa spasyłkaj na namieśnika staršyni Pastajannaj kamisii pa pracy i sacyjalnych pytańniach Pałaty pradstaŭnikoŭ Aleha Leŭšunova.
Zhodna z novymi papraŭkami, rekłamadaŭcy i raspaŭsiudniki abaviazany spynić dastaŭku rekłamy ŭ paštovuju skryniu pa pieršym patrabavańni jaho ŭłaśnika abo inšaha zakonnaha ŭładalnika. Spažyŭcy mohuć i sami admovicca ad dastaŭki lubym zručnym sposabam: šlacham adpraŭki aficyjnaha lista, pa telefonie
ci ž paviesić na paštovuju skryniu nalepku, na jakoj budzie napisana pra niežadańnie atrymlivać ulotki. Pry hetym heta nie raspaŭsiudžvajecca na rekłamu ŭ drukavanych ŚMI abo na advarotnym baku žyroŭki.
Papraŭkami praduhledžana, što na raspaŭsiud rekłamy pa telefonie, stacyjanarnym i mabilnym, a taksama pa elektronnaj pošcie spatrebicca zhoda abanienta abo adrasata, jakaja pavinna być aformlena ŭ piśmovaj abo elektronnaj formie. Takuju normu ŭviali ŭ suviazi sa skarhami hramadzian na raspaŭsiud rekłamy pa telefonie i elektronnaj pošcie bieź ich zhody.
«Hetaja norma ŭklučana ŭ prajekt u suviazi z pastupleńniem u dziaržorhany značnaj kolkaści skarhaŭ hramadzian, źviazanych z raspaŭsiudžvańniem rekłamy pa telefonie i elektronnaj pošcie biez atrymańnia zhody abanientaŭ i adrasataŭ», - rastłumačyŭ parłamientaryj.
