Biełaruś i Rasija jašče viernucca da pytańnia pra kampiensacyju za padatkovy manieŭr u naftavaj śfiery. Pra heta Alaksandr Łukašenka zajaviŭ siońnia na sustrečy sa staršynioj Dziaržaŭnaha mytnaha kamiteta Juryjem Siańko, piša BiełTA.
Alaksandr Łukašenka adznačyŭ, što padatkovy manieŭr, jaki pravodzicca Rasijaj u naftavaj śfiery, pryvioŭ da pamianšeńnia pastupleńniaŭ ad vyvaznych mytnych pošlin za naftapradukty. U suviazi z hetym kiraŭnik dziaržavy pacikaviŭsia, jakija kroki robić Mytny kamitet dla kampiensacyi strat.
«Nie budziem ža my pastajanna na kaleniach poŭzać pierad svaim starejšym bratam i vymolvać niejkija kroški. My pavinny sami budavać tut palityku z usimi vynikajučymi adsiul nastupstvami. Heta my z prezidentam Rasii nie adnojčy abmiarkoŭvali. Dumaju, u najbližejšy čas nam, śćviardžajučy prahramu sumiesnych dziejańniaŭ, pryjdziecca viarnucca i da hetaha pytańnia», — skazaŭ Alaksandr Łukašenka.
Kiraŭnik dziaržavy byŭ prainfarmavany, što mytnaja słužba ŭ cełym vykonvaje zadačy pa zabieśpiačeńni napaŭnieńnia respublikanskaha biudžetu, stvareńni nieabchodnych umoŭ dla pracy biznesu pry naležnym uzroŭni kantrolu na miažy i ŭnutry krainy, pašyreńniu mižnarodnaha supracoŭnictva.