mfa.gov.by
Ministr zamiežnych spraŭ Uładzimir Makiej 10 vieraśnia pravioŭ sustreču z novym kiraŭnikom Pradstaŭnictva ES u Biełarusi Dzirkam Šubielem, paviedamlaje sajt viedamstva.
Makiej pryniaŭ u Šubiela kopii davierčych hramat i abmierkavaŭ z novym pasłom stan i pierśpiektyvy adnosinaŭ Biełarusi i ES. U razmovie byli zakranutyja pytańni ab spraščeńni vizavych praceduraŭ, finansavaj dapamohi z boku ES, arhanizacyi mierapryjemstvaŭ pa linii «Uschodniaha partniorstva».
Uładzimir Makiej padkreśliŭ, što ŭ dyjałozie pamiž Minskam i Bruselem jość značnyja dasiahnieńni, a taksama vykazaŭ spadzieŭ, što abnaŭleńnie kiraŭnictva ES i farmavańnie novaha składu Jeŭrakamisii buduć sadziejničać prahresu ŭ zaklučeńni novaha pahadnieńnia Biełaruś — ES.
