Rasijski teleprapahandyst Uładzimir Sałaŭjoŭ raskrytykavaŭ dakumientalny film žurnalista Juryja Dudzia pra terakt u Biesłanie. U efiry pieradačy «Poŭny kantakt» jon adznačyŭ, što Dudź va ŭsim abvinavaciŭ rasijskuju dziaržavu.
«Dudź radasna kryčyć, zdymaje, kaža pra toje, što va ŭsim vinavata dziaržava. Ale treba być dehienieratam», — adznačyŭ jon. Na dumku Sałaŭjova, u filmie, chronamietraž jakoha składaje krychu bolš za try hadziny, niama nijakaha razumieńnia taho, što i jak realna adbyłosia.
Viadučy dadaŭ, što Dudź «byŭ biazdarny spartyŭny žurnalist», a ciapier «palez u inšy absiah — hadzić kryšku». «Lepš by jon rekłamavaŭ Head&Shoulders. U hetaj hałavie akramia chimičnych elemientaŭ Procter&Gamble ničoha inšaha nie vyjaŭlena», — dadaŭ Sałaŭjoŭ.
«Vy pahladzicie na hetyja tvary. Vy pahladzicie na hetuju hlancavanuju pohań. Vy pahladzicie na hetaha zmahara ź pierchaćciu. Tam ža nul supieražyvańnia. Chto hetuju poskudź nikčemnuju raskručvaje? Chto heta ŭsio nakručvaje? Taja samaja libieraśnia sprabuje padniać jaho navierch, jakaja padčas trahiedyi Biesłana plavuzhała takoje, što vałasy dybaram», — skazaŭ na zakančeńnie jon.
