U Ivacevickim rajonie biespracoŭny syn skraŭ u baćki bujnuju sumu hrošaj, paviedamlaje milicyja.
Z zajavaj ab źniknieńni hrošaj u milicyju źviarnuŭsia 54-hadovy mužčyna. Jon paviedamiŭ, što ŭ jaho pry nieviadomych abstavinach skrali bolš za $3,8 tysiačy. Źbieražeńni byli doma ŭ šafie.
Apieratyŭniki zapadozryli 25-hadovaha syna paciarpiełaha, jaki nidzie nie pracuje i raniej byŭ sudzimy. Pry pieratrusie ŭ jaho znajšli bolšuju častku skradzienych hrošaj, a $300 jon paśpieŭ zmarnavać.
Mužčynu zatrymali. Zaviali kryminalnuju spravu pa č.3 art.205 KK (kradziež).
0
0
0
0
0
0
