Navukoŭcy ź Niderłandaŭ raspracavali analiz kryvi, jaki dazvalaje nie tolki acanić ahulny stan vašaha zdaroŭja, ale i z vysokaj imaviernaściu pradkazać, ci pamracie vy svajoj śmierciu ŭ najbližejšyja 10 hadoŭ.
Heta stała mahčymym paśla maštabnaha daśledavańnia, padčas jakoha miedyki padrabiazna vyvučyli analizy kryvi z 12 roznych jeŭrapiejskich baz danych. Ahułam byli praanalizavanyja ŭzory kryvi 44 tysiač čałaviek.
Miedykam udałosia vyjavić usiaho 14 bijamarkieraŭ, jakija aceńvajuć imaviernaść śmierci ad lubych naturalnych pryčyn — ad išemičnaj chvaroby serca da raku lohkich, — i na ich asnovie raspracavać ahulny «indeks śmierci».
U toj ža čas aŭtary pracy padkreślivajuć, što vysoki «indeks śmierci» nie varta ŭsprymać jak niepaźbiežny śmiarotny prysud. Bijamarkiery tolki aceńvajuć biahučy stan zdaroŭja i pakazvajuć na vysokuju ryzyku raźvićcia tych ci inšych niebiaśpiečnych zachvorvańniaŭ — adnak jaho možna źnizić, kali istotnym čynam źmianić zvykły styl žyćcia.
Dla pacyjentaŭ luboha ŭzrostu analiz 14 bijamarkieraŭ dazvalaje pradkazać imaviernaść śmierci ŭ najbližejšyja 5-10 hadoŭ z dakładnaściu, jakaja pieravyšaje 83%.
