Žychar Viciebskaha rajona zabłukaŭ u lesie i dziesiać dzion šukaŭ darohu dadomu, paśpieŭšy pabyvać za hety čas u Rasii, paviedamlaje milicyja.
50-hadovy mužčyna ź vioski Valki syšoŭ u les pa jahady i hryby 13 žniŭnia. U lesie ŭ niejki momant jamu stała drenna. A kali jon apamiataŭsia, to zrazumieŭ, što zabłukaŭ. Staŭ šukać darohu dadomu, vyjšaŭ da raki i niekalki dzion pražyŭ kala jaje, jeŭ jahady, piŭ račnuju vadu. Nabraŭšysia sił, hrybnik praciahnuŭ darohu, tolki jon nie nabližaŭsia da domu, a addalaŭsia ad jaho i apynuŭsia na terytoryi Smalenskaj vobłaści. Mužčyna znoŭ apynuŭsia ŭ Biełarusi 21 žniŭnia. U pamiežnaj vioscy Kažuroŭščyna Loźnienskaha rajona hrybnik sustreŭ pastucha, pahavaryŭšy ź jakim, zrazumieŭ, jaki doŭhi šlach prajšoŭ.
Pastuch dapamoh jamu zaryjentavacca i pakazaŭ napramak darohi dadomu. Siońnia hrybnik paśpiachova viarnuŭsia. Jaho ahledzieli miedyki — na ščaście, ich dapamoha nie spatrebiłasia.
