Centralnaje antykarupcyjnaje biuro zatrymała hramadzianina Polščy, jaki padazrajecca ŭ dačy chabaru rabotniku polskaj dypłamatyčnaj placoŭki ŭ Biełarusi, piša Radyjo Polščy.
Pres-sakratar Centralnaha antykarupcyjnaha biuro Temistokles Bradoŭski paviedamiŭ, što imavierna chabary ŭručalisia za dapamohu padčas lehalizacyi pierabyvańnia biełarusaŭ u Polščy.
«Supracoŭniki biełastockaha adździełu Centralnaha antykarupcyjnaha biuro zatrymali polskaha pradprymalnika, jaki pražyvaje na terytoryi Biełarusi. Pry dapamozie chabaraŭ, jakija ŭručalisia rabotniku dypmisii, vydavalisia karty palakaŭ. Aproč hetaha, padazravany abiacaŭ zapłacić 50 tysiač dołaraŭ za kantrabandny pravoz u Biełaruś 2 miljonaŭ dołaraŭ».
Aryštavany pradprymalnik budzie dastaŭleny ŭ Varšaŭskuju akruhovuju prakuraturu, dzie jamu buduć pradstaŭlenyja abvinavačvańni.
