Rašeńnie prezidenta ZŠA Donalda Trampa admovicca ad vizitu ŭ Daniju akazałasia siurpryzam. Pra heta zajaviła aficyjny pradstaŭnik karaleŭskaha doma Lenie Balebiu, pieradaje teleradyjokampanija DR (Dackaje radyjo).
«Heta stała niečakanaściu. Nam bolš niama čaho skazać pa hetym pytańni», - adznačyła jana.
Dackija palityki aburylisia rašeńniem amierykanskaha lidara i prapanavali nie pieranieści, a admianić vizit, bo ŭ datčanaŭ «jość inšyja spravy». Prapanovu Trampa paličyli abraźlivaj, a samoha prezidenta — nierazumnym. Amierykanskamu lideru prapanavali pa anałohii vystavić na prodaž Alasku.
Tramp pavinien byŭ naviedać Daniju 2-3 vieraśnia, adnak 20 žniŭnia jon zajaviŭ, što adkładaje pajezdku i sustreču z dackim premjer-ministram Mete Frederyksien. Prezident padziakavaŭ palityku za toje, što jana prosta zajaviła pra niežadańnie pradavać Hrenłandyju i tym samym dapamahła zekanomić niamała srodkaŭ i vysiłkaŭ.
