17 žniŭnia supracoŭniki Lidskaj DAI zatrymali pjanaha biaspraŭnika. Kala 11 hadziny ranicy pablizu vioski Pałubniki inśpiektary źviarnuli ŭvahu na mikraaŭtobus Mercedes, jaki ruchaŭsia im nasustrač z boku vioski Piaciuleŭcy. Patrabavańnie ab spynieńni kiroŭca praihnaravaŭ. Pačaŭsia pieraśled, pad kaniec jakoha aŭtamabil pajechaŭ prosta praz pole. Jaho zatrymali, piša Hrodna.life.
U słužbovym aŭtamabili kiroŭca sprabavaŭ uhavaryć supracoŭnikaŭ DAI jaho adpuścić, abiacajučy «nikoli nie zabycca», «adkasić» i «kasar baksaŭ». Na naŭprostavaje pytańnie, kolki mužčyna vypiŭ, jon adkazaŭ: «Litr vina samaha tannaha».
U vyniku na žychara Lidčyny było składziena 4 pratakoły: za niećviarozaje kiravańnie, «biaspraŭnaje» kiravańnie, za nievykanańnie patrabavańniaŭ ab prypynku, što paciahnuła pieraśled transpartnaha srodku, adsutnaść techahladu na Mercedes.
Hetaha ž 42-hadovaha kiroŭcu zatrymlivali sioleta ŭ červieni za kiravańnie ŭ stanie apjanieńnia. Ciapier u dačynieńni da jaho vyrašajecca pytańnie ab zaviadzieńni kryminalnaj spravy, paśla čaho aŭtamabil kanfiskujuć.