Bieśpiłotny aŭtamabil dastaŭki ź biespravadnoj technałohijaj 5G u minułyja vychodnyja źjaviŭsia na darohach horada Nankin va Uschodnim Kitai, paviedamlaje Sińchua.
Bieły mini-aŭtamabil vyšynioj kala 0,5 mietra byŭ zapuščany ŭ novym rajonie kampanijaj Suning Logistics — daččynaj firmaj kitajskaha hihanta elektronnaha handlu Suning — dla padtrymki intelektualnaha roźničnaha absłuhoŭvańnia kampanii.
Tavary možna zakazvać pa mabilnym telefonie. Zatym pradaviec adnaho z kruhłasutačnych mahazinaŭ Suning źmiaščaje zakazanyja tavary ŭ bieśpiłotnuju mašynu i pierad dastaŭkaj stvaraje parol dla klijenta.
Aŭtamabil ź siaredniaj narmalnaj rabočaj chutkaściu 8 km/h moža raźvivać maksimalnuju chutkaść da 15 km/h. Jon taksama zdolny vyjaŭlać pieraškody na adlehłaści 100 mietraŭ i ich unikać.
U budučyni centr manitorynhu zmoža kiravać sotniami bieśpiłotnych aŭtamabilaŭ, źviazvajučy ich z bolš składanymi situacyjami, takimi jak lifty i sistemy kantrolu dostupu.
