Kitaj sahnaŭ u Šeńčžeń, jaki miažuje z Hankonham, vielizarnuju kolkaść vajennaj techniki Narodnaj uzbrojenaj palicyi. Videa apublikavała vydańnie Global Times.
Pavodle aficyjnaj viersii, vajennuju techniku pryhnali dla praviadzieńnia bujnych vučeńniaŭ. Dla jaje stajanki daviałosia vydzielić miascovy stadyjon.
12 žniŭnia aficyjny pradstaŭnik kancylaryi pa spravach Hankonha i Makao Dziaržsavieta Kitaja Jan Huan zajaviŭ, što padčas biesparadkaŭ u Hankonhu stali prajaŭlacca «parastki teraryzmu».
1 lipienia ŭdzielniki akcyj pratestu ŭ Hankonhu całkam ŭziali pad kantrol parłamient. Zatym palicyja Hankonha vyzvaliła ad ich budynak. Pratesty pačalisia ŭ dzień 22-j hadaviny pieradačy Kitaju ŭłady nad Hankonham, byłoj kałonii Vialikabrytanii.
U červieni bolš za miljon žycharoŭ Hankonha vyjšli na masavyja pratesty z-za płanaŭ urada padpisać pahadnieńnie ab ekstradycyi z KNR, Tajvaniem i Makao. 15 červienia ŭłady prypynili razhlad prajekta, a praź jašče try dni kiraŭnik Hankonha Kery Łam vystupiła z vybačeńniami pierad svaimi hramadzianami i zapeŭniła ich, što vydavać płanujecca tolki tych, chto maje dačynieńnie da zabojstvaŭ i zhvałtavańniaŭ.
Hankonh z 1842 pa 1997 hod byŭ brytanskaj kałonijaj. U ciapierašni čas jon uvachodzić u skład Kitaja ŭ jakaści admysłovaha administracyjnaha rajona.
