11 žniŭnia na 85-m hodzie žyćcia pamior biełaruski hramadski dziejač u Aŭstralii Aŭhien Hruša.
Heta byŭ vielmi aptymistyčny, žyćciaradasny čałaviek. Jon na 20 hadoŭ pieražyŭ svaju žonku Nadzieju. Vyhadavaŭ troch dziaciej i amal da apošnich hadoŭ zastavaŭsia aktyŭnym u biełaruskaj hramadzie Aŭstralii.
Aŭhien Hruša naradziŭsia ŭ 1935 hodzie ŭ Moračy (siońnia Klecki rajon). Padčas Druhoj suśvietnaj vajny razam z baćkami apynuŭsia ŭ Niamieččynie. U 1949-m Hrušy pierajechali ŭ Aŭstraliju. Žyŭ u Mielburnie. Braŭ aktyŭny ŭdzieł u hramadskim žyćci. Byŭ aktyŭnym udzielnikam nacyjanalnych mierapryjemstvaŭ. Adzin ź inicyjataraŭ zasnavańnia druhoj biełaruskaj škoły na pačatku 1970-ch hh., dla jakoj prapanavaŭ ułasnaje pamiaškańnie. Adzin ź inicyjataraŭ Sustrečaŭ biełarusaŭ Aŭstralii. Ad 1985 h. byŭ niaźmiennym staršynioj Vykanaŭčaha kamitetu Fiederalnaj rady biełaruskich arhanizacyj u Aŭstralii i adzin z najbolš dziejnych siabraŭ biełaruskaj hramady ŭ Mielburnie.
