Kolkaść paciarpiełych u sutyknieńniach padčas apieracyi pa zatrymańni eks-prezidenta Kyrhyzstana Ałmaźbieka Atambajeva vyrasła da 136, paviedamili RIA Naviny ŭ niadzielu ŭ pres-słužbie ministerstva achovy zdaroŭja respubliki.
«Za 7, 8, 9 žniŭnia 2019 hoda miedycynskaja dapamoha była akazana 136 paciarpiełym», - zajavili ŭ viedamstvie.
U miedycynskich ustanovach zastajucca 14 paciarpiełych. Stan 13 ź ich - stabilny.
Načalnik HUUS Kyrhyzstana pa Čujskaj vobłaści Samat Kurmankułaŭ, jaki atrymaŭ traŭmu hałavy, pa-raniejšamu znachodzicca ŭ komie ŭ vielmi ciažkim stanie.
U sieradu ŭviečary śpiecsłužby pačali apieracyju pa zatrymańni Atambajeva u jaho rezidencyi ŭ siale Koj-Taš. Prychilniki Atambajeva adkryli ahoń u adkaz.
Lidar najbujniejšaj parłamienckaj partyi sacyjał-demakrataŭ Kyrhyzstana Atambajeŭ pieradaŭ uładu svajmu pierajemniku i bližejšaha paplečniku Saaranbaju Žeenbiekavu ŭ 2017 u vyniku prezidenckich vybaraŭ. Adnak nieŭzabavie paśla hetaha na členaŭ kamandy eks-prezidenta byli raspačatyja kryminalnyja spravy. Sam Atambajeŭ byŭ pazbaŭleny statusu eks-prezidenta i padazrajecca ŭ šerahu złačynstvaŭ. Jon nieadnarazova zajaŭlaŭ, što abvinavačvańni ŭ adras jaho paplečnikaŭ majuć palityčny charaktar.
