U minułyja vychodnyja italjanskich žycharoŭ napałochała fura ź litoŭskimi numarami: jana vichlała pa darozie na uzarvanych kołach. Vyśvietliłasia, što kiroŭca hruzavika - pjany biełarus, piša tut.by sa spasyłkaj na italjanskija ŚMI.
Fota: ciaocomo.it.
Incydent adbyŭsia 3 žniŭnia ŭ paŭnočnaj Italii. Pa darozie pamiž nievialikimi miastečkami jechaŭ hruzavik ź litoŭskimi numarami, jaki vielmi niebiaśpiečna chistaŭsia z boku ŭ bok. A ŭ horadzie Łurate-Kačyvia ŭ vialikahruza i zusim vybuchnuli koły. Jany nakrucilisia na abady, ale fura jechała tak jašče niekalki kiłamietraŭ.
Kali vialikahruz zabłakavała palicyja, z kabiny vyjšaŭ małady kiroŭca. Vyhladaŭ jon spałochanym. Vyśvietliłasia, što heta hramadzianin Biełarusi, jon byŭ pjany: uzrovień ałkaholu ŭ piać razoŭ pieravyšaŭ dapuščalnuju miažu.
Fota: ciaocomo.it.
U jaho kanfiskavali pravy, ale samoha pa rašeńni prakurora nie aryštavali - bo ludzi nie paciarpieli. Furu adahnali na stajanku, adkul jaje zabrała litoŭskaja kampanija, na jakuju pracavaŭ kiroŭca.
Fota: ciaocomo.it.