U MZS Rasii ličać, što ŭviadzieńnie druhoha pakieta sankcyj ZŠA za chimičnuju ataku ŭ Sołśbiery ŭ sakaviku 2018 hoda, metaj jakoj byŭ były supracoŭnik HRU Siarhiej Skrypal, źviazana z vybarami prezidenta ZŠA, paviedamlaje TASS.
Namieśnik ministra zamiežnych spraŭ Rasii Siarhiej Rabkoŭ zajaviŭ, što «Administracyja Trampa rehularna ŭkaraniaje sankcyi i inšyja abmiežavalnyja miery suprać Rasii».
«My nie ździŭleny hetymi dziejańniami. Ja dumaju, heta častka ŭnutranaj palityki ZŠA», — skazaŭ jon.
Pavodle jaho słoŭ, «toje, što zastałosia ad supracoŭnictva Rasii i ZŠA» razhladajecca jak srodak unutrypalityčnaj baraćby.
Raniej kiraŭnik Biełaha doma Donald Tramp padpisaŭ ukaz ab uviadzieńni druhoha pakieta sankcyj suprać Rasii za chimičnuju ataku ŭ Sołśbiery ŭ sakaviku 2018 hoda.
