Eks-prezident Ukrainy daŭ vialikaje intervju «Ukrainskaj praŭdzie». Adkazvajučy na adno z pytańniaŭ, jon začapiŭ temu padziej druhoj pałovy 2014 hoda.
— Jakoje samaje składanaje rašeńnie vy pryniali za hetyja piać hadoŭ?
— Ja pryniaŭ šmat rašeńniaŭ.
- Uspomnim, naprykład, Iłavajsk?
— Chočacie pahavaryć pra heta? Adydzicie ad kliše, što Iłavajsk - heta paraza dla ŭkraincaŭ. Kali łaska, razhledźcie Iłavajsk jak pačatak rasiejskaj ahresii.
— Ja heta dobra viedaju.
— Kali b nie było ahresii, situacyja razhortvałasia b zusim inakš. Ja nie chaču vinavacić nikoha, ni tych, chto admoviŭsia vykonvać zahady hałoŭnakamandujučaha, albo tych, chto nie pryniaŭ rašeńni svoječasova… Za heta była zapłačana vialikaja cana. Ale pryčynaj stała rasijskaja ahresija.
Naš adkaz na heta byŭ vy viedajecie jaki, kali ŭ nas nie było vojskaŭ?
— Zapyt na kalidor, a potym Minskija damoŭlenaści.
— 5 vieraśnia … chutka budzie piać hadoŭ. U Minsku nie było vyrašana. 5 vieraśnia va Uelsie, u Kardyfie vyrašałasia, na samicie NATA. Ja kažu pra heta ŭpieršyniu. Heta byŭ cud, dziva.
Nichto tut nie vieryŭ u nas, kali ja jechaŭ na samit NATA, što my zmožam padpisać i spynić rasiejski nastup.
My vykarystoŭvali čas, pakul nie ŭstupili ŭ dziejańnie «Minskija damoŭlenaści»… Čamu «Minskija damoŭlenaści» nie pačali dziejničać z 12 hadzin nočy, nie ź dziasiataj, nie z dvanaccataj hadziny dnia, a z vasiemnaccataj hadziny? Vy viedajecie, čamu? Tamu što desantniki 95-ha i 79-ha pad kiraŭnictvam Muženki i Zabrodskaha pavinny byli viarnucca z rejdu.
Kali b nie hety rejd, to, mahčyma, i Minska nie było b. Tamu što jany nie razumieli, jakija ŭ nas siły ŭ tyle, i ŭvieś čas atrymlivali infarmacyju pra toje, što padraździaleńni rasijskaj armii viaduć bajavyja dziejańni z ukrainskimi desantnikami, jakija nieviadoma adkul źjavilisia. U 18 hadzin jany vyjšli za liniju supraćstajańnia i ŭstupili ŭ siłu Minskija damoŭlenaści.
Kali my havorym pra Iłavajsk ci Debalcava, uśviedamlajcie, što tam byli tolki rasiejskija sałdaty. I praŭdu skažycie hramadskaści. Tamu što ja dakładna nikomu nie pažadaju pravieści takuju noč, kali našy pačali pakidać Debalcava, a na FB (Siamiona) Siamienčanki byŭ apublikavany padrabiazny maršrut vychadu.
I treba było nočču, biez srodkaŭ suviazi, kab było poŭnaje radyjomaŭčańnie, mianiać maršruty, kab vyratavać ludziej. Ciažka. Tut pavieryš u Boha.
Kali my pamiatajem, z čaho my pačali, praz što my pieražyli, i chtości navažycca skazać, što heta paraza, ja z hetym nie pahadžusia.
Ja padkreślivaju, što my razburyli płan Pucina, jak heta ni hučała banalna, źniščyć Ukrainu, pakarać nas za Revalucyju Hodnaści. My majem ciapier inšuju dziaržavu.
