U krasaviku piać niepaŭnaletnich žycharoŭ Haradockaha rajona vyjavili ŭ bankamacie zabytuju kartku, paviedamlaje Śledčy kamitet. Jany skarystalisia joj i ździejśnili nie mienš jak 52 apieracyi pa apłacie tavaraŭ u kramach rajcentra.
Viedajučy, što pry nabyćci tavara, daražejšaha za 20 rubloŭ, treba ŭvodzić pin-kod, jany kuplali dziešaviejšyja rečy. I tak prahulali 330 rubloŭ z čužoj kartki.
Raspačataja kryminalnaja sprava za kradziež šlacham vykarystańnia kampjutarnaj techniki.
Śledčyja nahadvajuć: vyjaviŭšy čužuju bankaŭskuju kartku, nie sprabujcie pravieryć bałans jaje rachunku, vykarystoŭvać kartu dla źniaćcia hrošaj abo raźliku. Takija dziejańni ciahnuć adkaznaść, praduhledžanuju zakanadaŭstvam.
Taksama nie varta publikavać fota z rekvizitami bankaŭskich kart u sacyjalnych sietkach: źviestki mohuć być vykarystanyja złamyśnikami.
