U Siryi padčas sutyknieńnia zahinuli try najomniki novaj rasijskaj pryvatnaj vajennaj kampanii (PVK) Ščyt, paviedamlaje Novaja hazieta.
Pavodle vydańnia, supracoŭniki PVK z pazyŭnymi Šaman, Kajrat i Tankist zahinuli 15 červienia 2019 hoda ŭ sutyknieńni na naftavych palach na poŭnač ad Palmiry. Pavodle niepaćvierdžanych danych, hrupa najomnikaŭ z PVK Ščyt vysunułasia na miesca padryvu aŭtamabila i trapiła pad minamiotny abstreł.
Dvoje z zahinułych vajavali na terytoryi Łuhanskaj vobłaści, paśla dałučylisia da PVK Vahniera i byli adkamandziravanyja ŭ Siryju. Z 2018 hoda zabityja pačali pracavać na PVK Ščyt.
Krynicy haziety nie zmahli nazvać «ułaśnikaŭ» PVK. Na ich dumku, za joj mohuć stajać byłyja abo ciapierašnija hienierały ź Ministerstva abarony Rasii.
