Milicyja pačała ekśpierymient u Maskoŭskim i Kastryčnickim rajonach Minska. Tut niekatorym z hramadzian, prysudžanych da «chatniaj chimii», razdali elektronnyja branzalety, piša «Na varcie».
Pryłada, jakaja nahadvaje smart-hadzińnik, macujecca na nahu, fiksujecca admysłovym prystasavańniem i zapuskajecca. Branzalet nielha źniać abo pieraprahramavać — jon reahuje na ŭsie paškodžańni, razam z tym nie baicca vady, pyłu i vysokich tempieratur.
Da branzaleta prykładajecca mabilny telefon, ź jakoha možna patelefanavać inśpiektaru, abmierkavać pytańni adbyćcia pakarańnia. Ale ŭ bolšaj stupieni jon pryznačany dla suviazi supracoŭnikaŭ z padapiečnymi ŭ vypadku spracoŭvańnia tryvožnaha sihnału abo dla zvyčajnaha manitorynhu. U telefonie znachodziacca śpiecyjalnyja skaniery, jakija raspaznajuć tvar i hołas haspadara. Jany całkam vyklučajuć pieradaču pryłady inšaj asobie. Kab mieć mahčymaść videapaviedamleńnia, ŭbudavanaja kamiera. Dla siłkavańnia vykarystoŭvajecca partatyŭnaja zaradka.
Batarejku razradžać nielha, heta pryraŭnoŭvajecca da ŭciokaŭ, tamu pryłada ŭ patrebny momant budzie nahadvać pra siabie vibracyjaj.
Inšaja teścirujemaja sistema — bijamietryčnaj asoby — zaklikanaja paźbiehnuć niekatorych pamyłak, źviazanych z čałaviečym faktaram.
Sučasnyja technałohii dazvalajuć adyści ad staroha sposabu rehistracyi asudžanych šlacham pamietak u žurnale — ciapier heta možna zrabić pry dapamozie adbitka palca.
Bolš za toje, śpiecyjalnaja prahrama dazvolić imhnienna paviedamić inśpiektaru, chto nie źjaviŭsia ŭ padraździaleńnie na «adznaku» ŭ pakładzieny čas.
«Taki elektronny tandem zdolny arhanizavać kantrol na samym vysokim uzroŭni. Dziakujučy spadarožnikavaj suviazi jon dazvalaje sačyć za pierasoŭvańniami čałavieka kruhłyja sutki. Pryčym maršruty zachoŭvajucca ŭ pamiaci — šlach asudžanych za luby adrezak času možna pahladzieć na kampjutary. Sučasnyja technałohii nie tolki zrabili efiektyŭnym praces kantrolu, ale i maksimalna spraścili jaho. Pry zapusku prahramy na kampjutary inśpiektara adlustroŭvajecca karta miascovaści, dzie miescaznachodžańnie padapiečnych paznačana čyrvonymi punktami. Pry naciskańni na ich možna atrymać asnoŭnuju infarmacyju pra asudžanych - imia, proźvišča, poł, artykuł, pa jakim adbyvaje pakarańnie, parušeńni i mnohaje inšaje. U prahramie praduhledžany roznyja nałady.
Naprykład, dla kankretnaha hramadzianina na karcie možna paznačyć miescy, jakija jamu naviedvać zabaroniena ci nie rekamiendavana: piciejnyja, načnyja abo zabaŭlalnyja ŭstanovy.
Zručna, što ŭ luboj padazronaj situacyi my možam źviazacca z asudžanymi i vyrašyć prablemu na adlehłaści. Pryviadu prykład. Niejak padčas testavańniaŭ padobnych, ale bolš prostych branzaletaŭ žančynie dziŭnym čynam atrymałasia źniać abstalavańnie. Pakinuŭšy jaho doma, jana adpraviłasia na špacyr. Pravaachoŭniki zaŭvažyli, što kropka na karcie stajała nieruchoma, i padumali: hramadzianka śpić. Ale tak praciahvałasia davoli doŭha, tamu pryjšłosia adpravicca pa jaje miescy žycharstva», — raskazvaje namieśnik načalnika ŭpraŭleńnia nahladna-vykanalnaj dziejnaści MUS Siarhiej Alaškievič.
Piłotny prajekt praciahniecca da vieraśnia.
