Ministerstva abarony prapracavała dadatkovyja prapanovy, jakija daduć mahčymaść pavysić prestyž terminovaj słužby. Ab hetym paviedamiŭ kiraŭnik abaronnaha viedamstva Andrej Raŭkoŭ, pieradaje BiełTA.
Pavodle słoŭ Andreja Raŭkova, Minabarony ŭniesła jašče adnu prapanovu Minpracy - «uvieści kaeficyjenty ŭ zaležnaści ad praciahłaści terminovaj vajennaj słužby dla pieraraźliku piensijnaha stažu». Realizacyja hetaj prapanovy daść mahčymaść faktyčna biez pavieličeńnia finansavaj nahruzki na biudžet pavysić značnaść terminovaj słužby, dadaŭ ministr. Jak paviedamlali raniej u Minabarony, zalik terminu słužby ŭ strachavy piensijny staž padtrymany bolšaściu dziaržorhanaŭ. Ministerstva abarony taksama pracuje nad pradastaŭleńniem inšych prefierencyj adsłužyŭšym u armii. Płanujecca, što ŭ studzieni 2020-ha ŭstupić u siłu zakon, zhodna ź jakim pieršapačatkovaje prava na atrymańnie miesca ŭ internacie budzie pradastaŭlena navučencam, jakija prajšli terminovuju vajennuju słužbu ŭ reziervie, - tym, u kaho jość rekamiendacyi voinskich čaściej. Ciapier razhladajecca pytańnie ab pradastaŭleńni lhot i pry pracaŭładkavańni. Naprykład, heta datyčycca zachavańnia prava viarnucca na byłoje miesca pracy na praciahu troch miesiacaŭ z dnia zakančeńnia vajennaj słužby. Što datyčycca adukacyi, užo atrymała padtrymku pradastaŭleńnie pieravažnaha prava na zaličeńnie ŭ VNU i SSNU tych, chto adsłužyŭ. Płanujecca, što chłopcy z vopytam armiejskaj słužby zmohuć biaspłatna navučacca za košt dziaržavy na padrychtoŭčych adździaleńniach VNU.
