U krasaviku 2000 hoda ŭ Babrujsku zabili 69-hadovuju žančynu. Jaje cieła znajšli doma ŭ vańnie. Žančyna była vielmi kamunikabielnaj i lohka zavodziła znajomstvy. Zabojcaŭ tady tak i nie znajšli.
U 2019 hodzie apieratyŭniki zapadozryli ŭ hetym złačynstvie dvuch žycharoŭ Minska, jakija na momant zabojstva byli niepaŭnaletnimi i znachodzilisia ŭ vyšuku za razboj, piša Śledčy kamitet.
Vyśvietliłasia, što adzin ź ich pamior u 2008 hodzie. Druhoha mužčynu zatrymali ŭ červieni.
Dačynieńnie mužčyny da ździajśnieńnia zabojstva paćvierdziłasia.
36-hadovy padazravany rastłumačyŭ, što ŭviesnu 2000 hoda na čyhunačnym vakzale ŭ Minsku jon i jaho tavaryš, jaki paźniej pamior, paznajomilisia z paciarpiełaj, jakaja zaprasiła ich da siabie ŭ hości ŭ Babrujsk.
Praź niekalki dzion maładyja ludzi pryjechali da žančyny dadomu, dzie raśpivali śpirtnyja napoi. Sa słoŭ mužčyny, padčas raśpivańnia jaho tavaryš paraniŭ žančynu nažom, ad ranieńnia jana pamierła na miescy. Cieła paciarpiełaj jany pałažyli ŭ vannu, paśla čaho skłali ŭ torby majomaść zabitaj i pakinuli kvateru.
