Fota Siarhieja Hudzilina
Padrychtoŭka vizitu Alaksandra Łukašenki ŭ Łatviju praciahvajecca, paviedamiŭ kiraŭnik biełaruskaj dypmisii ŭ Ryzie Vasil Markovič, piša Interfaks
«Vizit rychtujecca, ale pakul adkładzieny: u vas byli vybary prezidenta, vybary ŭ Jeŭraparłamient, u našaha kiraŭnika dziaržavy ščylny hrafik. Ale mahu skazać, što Alaksandr Ryhoravič stavicca da vizitu vielmi prahmatyčna», — skazaŭ Markovič u intervju časopisu «Adkryty horad».
Pavodle jaho słoŭ, pad sustreču na najvyšejšym uzroŭni pavinny być padrychtavany «dobryja ekanamičnyja kantrakty», jakija stali b dadatkovym stymułam dla raźvićcia handlova-ekanamičnych adnosin dźviuch krain.
Raniej abodva baki — biełaruski i łatvijski — paviedamlali ab prapracoŭcy vizitu Łukašenki ŭ Łatviju, ale nie ŭdakładniali jaho terminy.
Zaprašeńnie naviedać ź vizitam hetuju krainu ŭ lutym minułaha hoda prezidentu Biełarusi pieradaŭ premjer-ministr Łatvii Marys Kučynskis.
