Fota Iryny Arachoŭskaj
Faktary, jakija padšturchoŭvali inflacyju, słabiejuć, aryjencir u pamiery 5 pracentaŭ u hadavym vyražeńni zachoŭvajecca, paviedamiŭ siońnia žurnalistam namieśnik staršyni praŭleńnia Nacbanka Siarhiej Kalečyc, piša BiełTA.
«My kazali nieadnarazova, što čakali ŭ pieršym paŭhodździ taho faktu, što ŭ hadavym vyražeńni inflacyja budzie znachodzicca vyšej za vyznačanuju na hod. Ale jakraz tyja faktary, jakija padšturchoŭvali inflacyju, słabiejuć, my bačym heta ŭ apošnija miesiacy. Tamu ličym, što budziem znachodzicca pablizu našaj mety - 5 pracentaŭ», - skazaŭ Siarhiej Kalečyc.
Pavodle jaho słoŭ, na rost inflacyi akazvali ŭpłyŭ faktary, źviazanyja z vytvorčaściu sielhaspradukcyi, adstavańniem rostu pradukcyjnaści pracy ad zarabotnaj płaty, a taksama źniešnija faktary.
Adkazvajučy na pytańnie ab mahčymaści pavyšeńnia staŭki refinansavańnia z ulikam inflacyi (10%), namieśnik staršyni Nacbanka rastłumačyŭ, što pry razhladzie pytańnia ŭzroŭniu staŭki prymajecca pad uvahu ŭvieś śpiektr faktaraŭ i prahnozaŭ. «U pryncypie, mahčymaści źmianieńnia abo zachavańnia stavak zaŭsiody vyznačajucca bałansam faktaraŭ. Składniki hetaha bałansu mianiajucca, my ich aceńvajem i zrobim adpaviednyja vysnovy», - skazaŭ jon.
