Supołka «Čaj z malinavym vareńniem» apublikavała kamičnaje rasparadžeńnie Prafsajuza rabotnikaŭ miascovaj pramysłovaści i kamunalna-bytavych pradpryjemstvaŭ. Arhanizacyja vysłała svaim siabram instrukcyi, jak treba siabie pavodzić u sacyjalnych sietkach.
«Zabiaśpiečyć rehularnaje naviedvańnie staronki prafsajuza ŭ fejsbuku, pry naviedvańni staronki abaviazkova stavić svaju acenku (łajk) i dzialicca navinami (repost)», — u takim styli napisana rasparadžeńnie.
«Naša Niva» źviarnułasia ŭ zhadany prafsajuz, kab atrymać tłumačeńni.
Pa słovach sakratara, za hetyja rassyłki adkazvaje hałoŭny śpiecyjalist Illa Kruhlenia. Toj paćvierdziŭ, što infarmacyja praŭdzivaja. «Tak, treba padpisacca! Treba vieści dziejnaść taksama!», — skazaŭ jon.
Ci vieryć jon, što takaja palityka zaachvočvańnia budzie efiektyŭnaj?
«Heta nie tak pracuje — maja sprava nie «vieryć», a vykonvać. Što daviali, toje ja pierasyłaju. Daviali źvierchu, heta nie ja prydumaŭ. Mnie daviało načalstva, a adkul dalej sychodzić, ja nie viedaju», — skazaŭ Kruhlenia.
