Alaksandr Łukašenka abmierkavaŭ z pradprymalnikam Michaiłam Huceryjevym budaŭnictva Niežynskaha horna-abahačalnaha kambinata i pierśpiektyvy realizacyi pradukcyi, piša BiełTA.
«Samaje hałoŭnaje, ja chacieŭ by siońnia pačuć ad vas ab tym, jak idzie budaŭnictva asnoŭnaha našaha prajekta — kambinata pa zdabyčy kalijnych solaŭ, uhnajeńniaŭ, jakija vy bačycie ŭžo ciapier pierśpiektyvy pa zdabyčy i realizacyi hetaj pradukcyi», — skazaŭ jon.
«Nam vielmi važna, kab my skleili adnosiny «Słaŭkalija» ź Biełaruskaj kalijnaj kampanijaj i na rynak vy vychodzili ŭzhodniena.
Paśla taho, jak my ŭviadziom Niežynski kambinat, i paśla taho, jak my ŭviadziom na Prypiaci (my adkryli ŭžo pradpryjemstva), my zojmiem praktyčna pieršaje miesca pa zdabyčy kalijnych uhnajeńniaŭ u śviecie. To-bok u nas budzie mahčymaść dyktavać umovy realizacyi.
Chaciełasia b užo zaraz pačynać u hetym kirunku pracavać, jak niekali my z vami damaŭlalisia. Mianie cikavić heta prajekt, jak jon realizujecca», — adznačyŭ biełaruski kiraŭnik.
Alaksandr Łukašenka taksama padziakavaŭ Michaiłu Huceryjevu za jaho dabračynnuju dziejnaść u Biełarusi.
«Dziakuj za chram. Heta ŭnikalny vypadak, kali musulmanin buduje pravasłaŭny chram dla ludziej», - skazaŭ kiraŭnik dziaržavy. Jon vykazaŭ słovy padziaki i za padtrymku sportu, pabudavanuju škołu.
