1. «Čałaviek-pavuk: Udalečyni ad doma»
4 lipienia adhrymieła premjera čarhovaha filma Marvel. Šmat ekšna i śpiecefiektaŭ. Śmiešny, miescami kranalny film ź nie samymi čakanymi pavarotami siužetu.
Piter Parkier razam ź siabrami adpraŭlajecca na letnija kanikuły ŭ Jeŭropu. Adnak adpačyć pryjacielam naŭrad ci ŭdasca — Piteru daviadziecca pahadzicca dapamahčy Niku Fjury raskryć tajamnicu istot, jakija vyklikajuć stychijnyja biedstvy i razbureńni pa ŭsim kantyniencie.
Ciažka pisać pra film, paźbiahajučy spojleraŭ, ale, kali vy źbirajeciesia na jaho iści, heta vam viedać varta:
Rejtynh filma na Kinapošuku — 7,7 z 10.
Kali: 6-7 lipienia ŭ luby zručny dla vas čas
Nabyć kvitki možna praz našu Afišu.
Košt: 5.50 — 10.00 BYN.
2. Džaz la Ratušy
Subota 6 lipienia ŭ minčukoŭ apošni šaniec biaspłatna pasłuchać džaz u Vierchnim horadzie. Dla nas vystupić Džoi De Frančeska — amierykanski muzykant u čaćviortym pakaleńni, virtuozny džazavy arhanist i vakalist, dvojčy naminant na premiju Hremi. Jon pačaŭ vučycca hrać na kłavišnych u 4 hady. Krytyki i čytačy časopisa Down Beat štohod vybirajuć jaho najlepšym džazavym arhanistam — z 2003 hoda!
Kali: 6 lipienia (subota) 20:30 — 23:00
Dzie: Vierchni horad
Kolki: biaspłatna
3. Śpiektakl «Apošnija śviedki»
Śpiektakl «Apošnija śviedki» — heta sumiesnaja praca Śviatłany Aleksijevič i niamieckaha režysiora Jochana Łanhniera.
U svaim «ramanie hałasoŭ» Śviatłana Aleksijevič sabrała i zmantavała dziciačyja ŭspaminy darosłych ludziej pra nacyscki teror i złačynstvy Viermachta suprać hramadzianskaha nasielnictva ŭ Biełarusi. Hety mantaž uspaminaŭ dla teatralnaj sceny spałučaje manałoh z «charavym śviedčańniem», apaviadaje pra žachi vajny i sprabuje zrazumieć sutnaść i miechanizm ułasna ŭspaminaŭ.
Paśla pakazu vas zaprašajuć na dyskusiju — vykazać svaje dumki i abmierkavać ubačanaje.
Kali: 6 lipienia (subota), 20:00
Dzie: Korpus (Minsk, pr-t Mašerava, 9/8)
Kolki: 5.00 — 7.00 BYN
4. «Myšaniaty i Miesiac»
Stvarajučy padborku padziej na vychodnyja, my pakłapacilisia i pra tych, chto choča adpačyć ź dzietkami. U subotu i niadzielu Minski płanietaryj ładzić pakazy paŭnakupalnaha multfilma «Myšaniaty i Miesiac».
Historyja pra toje, jak adnojčy dva myšaniaty Pip i Skryp zadalisia pytańniem: chto źjadaje zichatlivy Miesiacovy Syr na niebie? Kažany nie viedali adkazu, Sava taksama nie viedała. Ale razumnyja robaty-astranomy dapamahli myšaniatam daviedacca, što takoje na samaj spravie Miesiac, raspaviali pra Miesiacovyja mory biez vady i bieź Miesiacovych ryb. Myšaniaty šmat pra što daviedalisia i ŭbačyli z dapamohaj teleskopa mnostva krataraŭ. Ich tak uraziŭ Miesiac, što jany i sami zachacieli tam kali-niebudź pabyvać!
Rekamiendavany ŭzrost dla prahladu — 4+. Praciahłaść multfilma — 15 chvilin.
Paśla multfilma vas čakaje ekskursija pa začaravalnym zornym niebie.
Kali: 6 lipienia (subota): 11:00, 17:00
7 lipienia (niadziela): 12:00
Dzie: Minski płanietaryj (Minsk, vuł. Frunzie, 2)
Kolki: 3.80 BYN (dla dzietak), 4.50 BYN (dla darosłych)
5. Vystava «Vasil Bykaŭ. Punkciry žyćcia»
U subotu raim naviedać taksama litaraturna-dakumientalnuju ekspazicyju, pryśviečanuju Vasilu Bykavu. Jana raskryvaje staronki žyćcia Vasila Bykava praz aŭtohrafy na knihach, jakija piśmieńnik daryŭ siabram, kaleham, znajomym: Maryi Chajnoŭskaj, Lidzii Arabiej, Alesiu Adamoviču, Ryhoru Baradulinu, Hienadziu Buraŭkinu, Ivanu Čyhrynavu i inšym na praciahu svajho žyćcia. Na vystavie pradstaŭleny fotazdymki, listy i paštoŭki z archiva Vasila Bykava.
Sama ekspazicyja pracuje da 15 vieraśnia.
Kali: 6 lipienia, 9:30 — 17:30
Dzie: Dziaržaŭny muziej historyi biełaruskaj litaratury (Minsk, vuł. Maksima Bahdanoviča, 13)
Kolki: 1.50 BYN (studenty), 3.00 BYN (darosłyja)
Płanujcie svaje vychadnyja razam z Afisha.nn.by.
