Jon naradziŭsia ŭ Kazachstanie ŭ pracoŭnaj siamji biełaruskich i ruskich pasialencaŭ, atrymaŭ adukacyju ŭ Sankt-Pieciarburhu i Maskvie, farmavaŭ zakony niezaležnaj Biełarusi i biez vahańniaŭ kazaŭ praŭdu tym, chto znachodzicca va ŭładzie.
Hety niekrałoh — karotki narys pra jarkaje i pradukcyjnaje žyćcio Viktara Ivanaviča Kryvoha — čałavieka, jaki źjadnaŭ u sabie pieršakłasnaha dziaržaŭnaha słužboŭca, navukoŭca-pravaznaŭcy, jaki pakinuŭ vialikuju spadčynu nie tolki pa tearetyčnych temach, ale i jak kamientatar-praktyk, a taksama jak mieniedžar i pradprymalnik.
Ad radoviščaŭ Sibiry ŭ niezaležnuju Biełaruś
Jaho jurydyčnaja karjera pačałasia, kali jon, 16-hadovy małady čałaviek, što naradziŭsia ŭ siale Kustanajskaj vobłaści Kazachskaj SSR, pastupiŭ u adnu z samych elitnych navučalnych ustanoŭ SSSR, a da hetaha Rasijskaj impieryi — jurydyčny fakultet Sankt-Pieciarburhskaha dziaržaŭnaha ŭniviersiteta (Lenin, Miadźviedzieŭ i Pucin — siarod jaho najbolej viadomych vypusknikoŭ).
V.I. Kryvoj byŭ niezvyčajnym čałaviekam u mnohich adnosinach. Jak adnamu ź lepšych vypusknikoŭ svajho hoda, jamu byŭ dadzieny vybar, dzie pracavać pa skančeńni navučańnia. Jon vybraŭ nie Sankt-Pieciarburh ci Maskvu, dzie bolšaść ludziej chacieli b začapicca, a Sibir na Krajniaj poŭnačy SSSR. Dabrabyt Savieckaha Sajuza ŭ značnaj stupieni zaležaŭ ad zapasaŭ nafty i hazu, u tym liku ad niadaŭna raźviedanych radoviščaŭ Zachodniaj Sibiry. Jon pačaŭ svaju karjeru ŭ jakaści jurysta bujnoha naftahazavaha pradpryjemstva va Urenhoi ŭ Zachodniaj Sibiry, prykładna ŭ 30 kiłamietraŭ ad Palarnaha koła.
Pracujučy na poŭnuju staŭku, jon taksama pisaŭ kandydackuju dysiertacyju i vychoŭvaŭ dvuch synoŭ, što było b niemahčyma biez padtrymki jaho žonki Haliny. Jaho dysiertacyja była pryśviečana rehulavańniu pracy pa pryncypie ratacyi, i była zasnavana na empiryčnych dadzienych, sabranych u Sibiry. Nieŭzabavie paśla abarony dysiertacyi ŭ Maskvie jon peŭny čas pracavaŭ staršym vykładčykam prava ŭ Ciumienskim dziaržaŭnym univiersitecie. Ciumień była hałoŭnym centram hetaj bahataj naftaj i hazam častki Sibiry.
Viktar Kryvoj pačynaŭ jak aśpirant u vobłaści mižnarodnaha publičnaha prava, ale nieŭzabavie pieraklučyŭsia na pracoŭnaje prava. Saviecki Sajuz zasnoŭvaŭsia na kancepcyi poŭnaj zaniataści, a biespracoŭje praktyčna nie isnavała, tamu pracoŭnaje prava vykonvała rolu, nie paraŭnalnuju ni z adnoj inšaj halinoj prava, i, napeŭna, harantavała lepšyja pierśpiektyvy karjernaha ŭzrostu, čym mižnarodnaje prava.
Za try hady do raspadu Savieckaha Sajuza jon pierajechaŭ u Biełaruś, tahačasnuju Savieckuju Respubliku, adkul rodam jaho maci i žonka. BSSR, tady adna z samych raskvitniełych častak Savieckaha Sajuza, mieła vielizarnuju pramysłovaść, pabudavanuju paśla Druhoj suśvietnaj vajny, i jurysty pa pracoŭnym pravie byli vielmi zapatrabavanyja.
Farmavańnie praŭnaj sistemy Biełarusi
Kali ŭ 1991 hodzie Biełaruś stała niezaležnaj, jana sutyknułasia z maštabnaj zadačaj pabudovy ŭłasnaj palityčnaj i jurydyčnaj sistemy. Viktar Kryvoj akazaŭsia ŭ centry hetaha pracesu, kali staŭ kiravać klučavym departamientam Ministerstva pracy, što adkazvaŭ za novyja zakony i inšyja narmatyŭna-praŭnyja akty.
Napačatku 1990-ch hadoŭ Viktar Kryvoj uznačalvaŭ pracoŭnyja hrupy, što adkazvali za raspracoŭku najvažniejšych zakonaŭ Biełarusi, u tym liku Kodeks zakonaŭ pra pracu, Zakon «Pra zaniataść» i «Pra kalektyŭnyja damovy i pahadnieńni». Tady Biełaruś była adkryta śvietu, i jon ciesna supracoŭničaŭ z admysłoŭcami Suśvietnaha banka i Mižnarodnaj arhanizacyi pracy. Jon byŭ adnym ź niešmatlikich dziaržaŭnych słužboŭcaŭ, jakija viedali anhielskuju movu i rehularna jeździli ŭ Ženievu, kab pradstaŭlać Biełaruś na važnych mižnarodnych padziejach.
U 1990-ch hadach Biełaruś była šmatpartyjnaj demakratyjaj z aktyŭnym palityčnym žyćciom, centram jakoha byŭ parłamient. Z 1994 hoda Viktar Kryvoj pracuje ŭ parłamiencie, chutka padymajučysia na klučavuju jurydyčnuju pazicyju ŭ krainie — kiraŭnika jurydyčnaha upraŭleńnia Parłamienta. Na hetym etapie kožny zakonaprajekt u krainie patrabavaŭ jaho vizy.
U toj pieryjad Biełaruś stała adnoj z samych prahresiŭnych krain u vobłaści pracoŭnaha prava — naprykład, jaje Pracoŭny kodeks słužyŭ uzoram lepšych praktyk taho času. U 1996 hodzie Viktar Kryvoj abaraniŭ doktarskuju dysiertacyju ŭ Sankt-Pieciarburhu, pryśviečanuju kadyfikacyi pracoŭnaha zakanadaŭstva Biełarusi.
U 1990 hodzie jon zasnavaŭ adno ź pieršych małych dziaržaŭnych pradpryjemstvaŭ u Biełarusi, Biełaruski kadravy centr «Prafiesijanał», jakoje śpiecyjalizavałasia na publikacyi kamientaroŭ viadučych biełaruskich ekanamistaŭ i jurystaŭ da novych zakonaŭ Biełarusi. Aproč pradpryjemnickaj čynnaści, paśla sychodu ź dziaržaŭnaj słužby jon pracavaŭ zahadčykam kafiedry hramadzianskich dyscyplin bujnoha ŭniviersiteta i rektaram instytuta ŭ Minsku.
Akademičnaja spadčyna
Prafiesar Kryvoj zaŭsiody stvaraŭ. Vialikaja častka jaho publikacyj pryśviečana biełaruskamu i paraŭnalnamu pracoŭnamu pravu. U apošnija hady jon vyjaŭlaŭ cikavaść da kanceptualizacyi chryścijanskich maralnych asnoŭ ŭ pracoŭnym pravie i razumieńnia Lva Tałstoha chryścijanskich i čałaviečych kaštoŭnaściaŭ pracy. Šmat chto ź jaho publikacyj vyjšaŭ u suaŭtarstvie ź biełaruskimi i rasijskimi kalehami, ź jakimi jon padtrymvaŭ tryvałyja prafiesijnyja i asabistyja suviazi.
Siarod zaniatych im pasadaŭ byli namieśnik staršyni Sajuza jurystaŭ Biełarusi, ekśpiert Suśvietnaha banka i Ekanamičnaha suda Sadružnaści Niezaležnych Dziaržaŭ, a taksama čalec šeraha kansultacyjnych orhanaŭ Viarchoŭnaha suda, parłamienta i inšych ustanoŭ. Prafiesar Kryvoj syhraŭ klučavuju rolu ŭ stvareńni Supolnaści pracoŭnaha prava, jakaja ŭ naš čas źjaŭlajecca aktyŭnym centram ekśpiertaŭ pa pracoŭnym pravie i navat pravodziŭ svaju parłamienckuju kampaniju ŭ 1996 hodzie.
Niahledziačy na toje, što ŭ minułym jon byŭ dziaržaŭnym słužboŭcam na vysokich pasadach, prafiesar Kryvoj časta vystupaŭ z rezkaj krytykaj dziaržaŭnaj palityki, što pazbaŭlaje prostych ludziej asnoŭnych pracoŭnych harantyj, što baroniacca mižnarodnym pravam, takich jak pieravod usich pracoŭnych na karotkaterminovyja kantrakty ci represii ŭ dačynieńni da niezaležnych prafsajuzaŭ.
Viktar Kryvoj uźlacieŭ sa ścipłaj pracoŭnaj siamji ŭ Paŭnočnym Kazachstanie na najvyšejšyja jurydyčnyja pasady ŭ niezaležnaj Biełarusi. Jak u čałavieka, jaki zrabiŭ siabie sam, u jaho byŭ ciažki charaktar i, u adroźnieńnie ad mnohich svaich suajčyńnikaŭ, jon biez vahańniaŭ baraniŭ svaje pryncypy pierad tymi, chto maje uładu, navat kali heta prynosiła jamu škodu.
1 lipienia 2019 hoda, jon adyjšoŭ rana, jak i mnohija mužčyny Biełarusi, va ŭzroście 63 hadoŭ, pakinuŭšy paśla siabie dvaich synoŭ, troch unukaŭ i adnu ŭnučku.
