Staršyniu Sorahskaha sielsavieta padazrajuć u niezakonnym znosie niekalkich dziasiatkaŭ damoŭ u vioskach na terytoryi sielsavieta. Čynoŭnik nie atrymlivaŭ zhody ŭłaśnikaŭ na znos i nie adpraŭlaŭ im apaviaščeńniaŭ, paviedamlaje UUS Minabłvykankama.
Kali naščadki zachacieli viarnucca ŭ baćkoŭskija chaty, jany tam ničoha nie ŭbačyli. Słuččaki adrazu źviarnulisia z zajavami ŭ milicyju. Čynoŭnik, pieravyšajučy svaje słužbovyja paŭnamoctvy, biez uzhadnieńnia z ŭłaśnikami, vynies rašeńnie ab znosie ich pustych chat u vioscy Sorahi.
Źnieśli kala piacidziesiaci damoŭ. Pa vynikach pravierki, ułaśniki byli tolki ŭ dvuch damoŭ. Vyśvietlić heta było prosta, źviarnuŭšysia ŭ kadastravaje ahienctva. Padatkovaja inśpiekcyja takim ža čynam raniej adšukała i apaviaściła hramadzian, što jany nie zapłacili ziamielny padatak. Tyja apłacili i źbiralisia vykarystoŭvać chaty, što zastalisia ŭ spadčynu. Staršynia sielsavieta moh takim ža sposabam znajści ŭładalnikaŭ damoŭ i źviazacca ź imi, ale hetaha nie zrabiŭ.
Zaviali dźvie kryminalnyja spravy pa č. 3 art. 426 KK Respubliki Biełaruś (pieravyšeńnie ŭłady abo słužbovych paŭnamoctvaŭ).
