Ihar Burmistraŭ, jaki ciapier vykonvaje abaviazki kamandujučaha ŭnutranymi vojskami MUS, atrymaŭ ad Alaksandra Łukašenki zvańnie hienierał-majora milicyi.
Da pačatku červienia Burmistraŭ źjaŭlaŭsia pieršym namieśnikam Juryja Karajeva pa ŭnutranych vojskach. Paśla pryznačeńnia Karajeva ministram mienavita Burmistraŭ razhladajecca jak najbolš vierahodnaja kandydatura na kamandujučaha ŭnutranymi vojskami.
Burmistraŭ uznačalvaŭ śpiecnaz u Homieli (v/č 5525) i šostuju asobnuju śpiecyjalnuju minskuju milicejskuju bryhadu ŭnutranych vojskaŭ (v/č 5448). Pracavaŭ pieršym namieśnikam načalnika apieratyŭnaj i bajavoj padrychtoŭki ŭnutranych vojskaŭ.
Adznačym, što hienierał-majora armii atrymaŭ taksama hałoŭny ideołah Ministerstva abarony Leanid Kasinski.
