Na poŭdni Francyi pabity absalutny tempieraturny rekord. U kamunie Vilvjej (departamient Har) u piatnicu pavietra prahrełasia da 45,1 hradusa, piša bbc.com.
Papiaredni absalutny rekord na poŭdni Francyi byŭ zarehistravany ŭ žniŭni 2003 hoda ŭ haradach Manpielje i Nim, kali tempieratura pavietra padniałasia da 44,1 hradusa. Tady anamalnaja śpioka ŭ Jeŭropie zabrała dziasiatki tysiač žyćciaŭ.
Raniej u čatyroch departamientach krainy - Vakluz, Har, Ero, Buše-dziu-Ron - byŭ abvieščany čyrvony ŭzrovień niebiaśpieki ŭ suviazi z anamalnaj śpiakotaj. Amal va ŭsich inšych rehijonach krainy, u tym liku i ŭ Paryžy, abvieščany aranžavy ŭzrovień klimatyčnuju pahrozy: u škołach adkładzienyja ekzamieny, mnohija navučalnyja ŭstanovy začynienyja z-za niedachopu kandycyjanieraŭ, balnicy i doma sastarełych padrychtavalisia da masavaha napłyvu pacyjentaŭ.
Upieršyniu ŭ historyi Francyi čyrvony ŭzrovień niebiaśpieki z-za vysokich tempieratur byŭ abvieščany na takoj vialikaj terytoryi.
Čyrvony ŭzrovień niebiaśpieki byŭ abvieščany taksama ŭ vaśmi abłaściach Ispanii, u tym liku ŭ Katałonii, dzie lasnyja pažary achapili 6500 ha.
Takich maštabnych lasnych pažaraŭ u Ispanii nie było amal 20 hadoŭ.
U Polščy da kanca tydnia taksama mietearołahi prahnazujuć anamalna haračaje nadvorje - pavietra prahrejecca da + 40.
Sinoptyki papiaredzili, što ŭ hetym hodzie leta ŭ Jeŭropie stanie samym haračym z 2003 hoda.
Pryčyny pahodnaj anamalii - štorm u Paŭnočnaj Atłantycy i mahutny antycykłon, jaki ŭstalavaŭsia ŭ Centralnaj Jeŭropie.
