U dvanaccatym tury tolki dźvie kamandy ź pieršaj vaśmiorki zdoleli zdabyć pieramohi — heta «Tarpieda-BiełAZ» i «Viciebsk». Upeŭnienaja pieramoha nad minskim «Dynama» dazvoliła žodzincam zaniać čaćviorty radok.
BATE zhulaŭ uničyju z «Isłačču», čym nie zmahli skarystacca ni «Šachcior», ni bresckaje «Dynama» — abodva matčy skončylisia biez zabitych miačoŭ.
Druhija pieramohi ŭ čempijanacie zdabyli «Słuck» i «Enierhietyk-BDU», a «Nioman» prajhraŭ piaty matč zapar. Paśla parazy ad «Haradziei» Ihar Kavalevič chacieŭ padać u adstaŭku, ale jaje adchiliła naziralnaja rada. A ŭ adstaŭku jakraz syšoŭ hałoŭny trenier «Haradziei»: Siarhiej Jaromka paśla 5 hod na čale «cukrovych» vyrašyŭ uznačalić moładzievuju zbornuju.
Ihar Kavalevič. Fota: FK «Nioman».
Ź cikavostak minułaha tura taksama možna było b adznačyć matč u Homieli, dzie ŭ łakalnym derbi «Słavija» vyrvała ničyju, prajhrajučy 0:2. Matč zakančvaŭsia pad zaŭziatarskija kryki «Sychodź!» na adras hałoŭnaha treniera «Homiela» Alaksieja Miarkułava. Ale pakul ničoha nie pamianiałasia na poŭdni Biełarusi.
Ciapier da padziej trynaccataha tura!
«Tarpieda» — «Nioman»
- 28.06, 18:45. Minsk, stadyjon «Traktar»
- Kaeficyjenty: «Tarpieda» (pieramoha) — 3.62; ničyja — 3.10; «Nioman» (pieramoha) — 2.12
Lepšaha matča dla vypraŭleńnia kryzisnaj situacyi nielha było prydumać, pryčym dla abodvuch kłubaŭ. «Nioman» prajhraŭ piać apošnich matčaŭ, «Tarpieda» — nie vyjhraje ŭ dziesiaci.
Pytańnie tolki ŭ tym, chto zdoleje takim šancam skarystacca.
Prahnoz «NN»: «Nioman» nie prajhraje.
«Tarpieda-BiełAZ» — «Enierhietyk-BDU»
- 28.06, 20:45. Žodzina, stadyjon «Tarpieda»
- Kaeficyjenty: «Tarpieda» (pieramoha) — 1.39; ničyja — 4.80; «Enierhietyk» (pieramoha) — 7.00
Paśla šaści niaŭdałych matčaŭ «studenty» ŭ minskim derbi pierajhrali «Tarpieda» i krychu palepšyli jak nastroj, tak i turnirnaje stanovišča.
Fota: FK «Enierhietyk-BDU».
Ale favaryt u hetaj hulni vidavočny, i kali žodzincy sapraŭdy pretendujuć na niešta bolšaje za tradycyjny piaty radok, to ŭ matčach z takimi supiernikami musiać pieramahać.
Prahnoz «NN»: «Tarpieda» pieramoža.
«Minsk» — «Homiel»
- 29.06, 17:00. Stadyjon FK «Minsk»
Jašče adzin matč kamand, jakija abitajuć u druhoj pałovie turnirnaj tablicy i, zdajecca, dahulvajuć da mižkruhavoj paŭzy, kab mieć mahčymaść padpisvać novych hulcoŭ. «Homiel» dyk dakładna.
Pra prablemy abiedźviuch kamand skazana-pierakazana šmat, tamu zastajecca tolki panazirać za hulnioj.
Prahnoz «NN»: totał bolšy za 2,5.
«Haradzieja» — «Słuck»
- 29.06, 19:00. Stadyjon «Haradzieja»
Čarhovaje słynnaje «cukrovaje» derbi. Ale pryncypovym hety matč nazvać vielmi składana: u vyšejšaj lizie matčy kamand sa Słucka i Haradziei asablivym nakałam i vialikaj kolkaściu hałoŭ nie adznačajucca.
Asablivaść cukrovaha derbi taksama ŭ tym, što haściavoj kamandzie vielmi składana pieramahčy — «Haradzieja» nikoli nie pieramahała ŭ Słucku, a słuččaki apošni raz pieramahali ŭ Haradziei jašče ŭ pieršaj lizie.
Prahnoz «NN»: «Haradzieja» nie sastupić.
«Dynama-Brest» — «Isłač»
- 29.06, 20:45. ASK «Brescki»
Jašče adzin ispyt na tryvałaść dla bieraściejcaŭ. Paśla vyjezdu ŭ Salihorsk «dynamaŭcy» prymajuć mocnuju «Isłač», jakaja spakojna moža pakinuć supiernika luboha kłasu ni z čym.
Zvyčajna matčy hetych supiernikaŭ adznačajucca niemałoj kolkaściu hałoŭ, tamu subotni matč moža stać upryhožańniem usiaho tura.
Prahnoz «NN»: totał bolšy za 2,5.
«Słavija» — «Šachcior»
- 30.06, 17:00. Mazyr, stadyjon «Junactva»
Dziaviataha červienia kamandy ŭžo sustrakalisia — u tavaryskaj hulni macniejšymi akazalisia «harniaki» ź likam 2:1.
Na hetym tydni «Šachcior» pravioŭ matč 1/16-finału Kubka Biełarusi — u Smalavičach byŭ adoleny adnajmienny kłub. A ŭ čempijanacie ŭ dźviuch hulniach ź niepasrednymi kankurentami — BATE i bresckim «Dynama» — padnačalenyja Tašujeva nabrali tolki 1 bał.
Tamu treba dahaniać.
Prahnoz «NN»: «Šachcior» pieramoža.
«Dniapro» — «Dynama-Minsk»
- 30.06, 19:00. Mahiloŭ, stadyjon «Spartak»
U papiarednim tury kamandy kryŭdna sastupili: «Dniapro» vyjhravaŭ u «Viciebska», ale pieramohu nie ŭtrymaŭ, a «Dynama» było razhromlena žodzinskim «Tarpieda-BiełAZ».
Fota: FK «Tarpieda-BiełAZ».
Na baku «Dniapro» ŭ hetaj hulni — arhanizavanaść i zbałansavany skład. Za «Dynama» — uzrovień hulcoŭ i dośvied.
Prahnoz «NN»: «Dynama» nie sastupić.
BATE — «Viciebsk»
- 30.06, 20:45. «Barysaŭ-Arena»
Zakryvaje tur matč u Barysavie. U sieradu BATE i «Viciebsk» spakojna minuli stadyju 1/16-finału kubka i hatovyja da vočnaj sustrečy.
BATE ŭžo paŭtara hoda nie moža pieramahčy «Viciebsk», ale doma zvyčajna nie maje prablem z paŭnočnaj kamandaj.
Prahnoz «NN»: BATE pieramoža.
TURNIRNAJA TABLICA
Dzialiciesia prahnozami ŭ kamientarach i abaviazkova schadzicie na stadyjon! Ličycie siabie ekśpiertam u biełaruskim futbole — zrabicie staŭku ŭ Bukmiekierskaj kantory Marafon!
Tym bolš Marafon prapanuje vydatnuju mahčymaść dla ŭsich novych klijentaŭ zrabić biasprojhryšnuju pieršuju staŭku. Kab zrabić heta, treba zarehistravacca na sajcie i ŭvieści promakod START. Zyčym pośpiechaŭ!