Jeŭrasajuz aficyjna padoŭžyŭ na paŭhoda ekanamičnyja sankcyi ŭ dačynieńni da Rasii, termin dziejańnia jakich skančajecca 31 lipienia. Pra heta havorycca ŭ zajavie Savieta ES, raspaŭsiudžanym u čaćvier u Bruseli, pišuć infarmahienctvy.
«27 červienia 2019 hoda Saviet padoŭžyŭ ekanamičnyja sankcyi ŭ dačynieńni da asobnych siektaraŭ rasijskaj ekanomiki da 31 studzienia 2020 hoda», - adznačajecca ŭ im.
U dakumiencie padkreślivajecca, što hetaje rašeńnie prahučała paśla abmierkavańnia pytańnia realizacyi Minskich pahadnieńniaŭ pa ŭrehulavańni kanfliktu va Ukrainie.
«Heta rašeńnie stała vynikam infarmavańnia kancleram Mierkiel i prezidentam Makronam na samicie ES 20-21 červienia ab stanie vykanańnia Minskich pahadnieńniaŭ, ź jakim źviazana zachavańnie sankcyj», - havorycca ŭ zajavie.
U 2014 hodzie Jeŭrasajuz uvioŭ sankcyi ŭ dačynieńni da RF u suviazi z aneksijaj Kryma i ŭvarvańniem na Danbas. Abmiežavalnyja miery nieadnarazova pašyralisia i praciahvalisia. Byli prypynienyja pieramovy pra biaźvizavy režym i pra novaje bazavaje pahadnieńnie ab supracoŭnictvie, uviedzienaja zabarona na ŭjezd u krainy ES dla słužbovych asobaŭ z RF i zamarožanyja ich aktyvy, uviedzienyja abmiežavalnyja miery handlovaha, finansavaha i vajskovaha charaktaru.
