Parłamienckaja Asambleja Rady Jeŭropy pryniała rašeńnie ab paćvierdžańni paŭnamoctvaŭ delehacyi RF biez abmiežavańniaŭ, niahledziačy na parušeńni pryncypaŭ Rady Jeŭropy. Pra heta paviedamlaje sa Strasburha karespandent «Jeŭrapiejskaj praŭdy».
Paśla debataŭ deputaty PARIE pieravažnaj bolšaściu adchiliła ŭsie papraŭki, prapanavanyja pradstaŭnikami Ukrainy, Hruzii, Vialikabrytanii, Łatvii i šerahu inšych dziaržaŭ, i zaćvierdzili rezalucyju ŭ cełym. Za prahałasavali 116 deputataŭ, 52 — suprać, 15 ustrymalisia.
Paŭnamoctvy delehacyi RF paćvierdžany biez abmiežavańniaŭ. Charakterna, što dakumient pryznaŭ šmatlikija parušeńni pryncypaŭ Rady Jeŭropy z boku rasijskaj dziaržavy i z boku rasijskaha parłamienta, ale abmiežavaŭsia «zaklikam» vykanać papiarednija rezalucyi, vyniesšy asobna tolki 5 patrabavańniaŭ:
- adpuścić 24 ukrainskich marakoŭ, zachoplenych pablizu Kierčanskaj pratoki;
- nieadkładna zapłacić unioski ŭ biudžet Rady Jeŭropy;
- biezumoŭna supracoŭničać sa śledstvam pa źbićci avijałajniera MH17;
- prykłaści namahańni, kab spynić pieraśledu ŁHBT u Rasii, asabliva ŭ Čačenii, i pakarać tych, chto parušaŭ pravy hetych ludziej raniej;
- supracoŭničać z suśvietnaj supolnaściu ŭ rasśledavańni zabojstva Barysa Niamcova.
Prapanovy Ukrainy pašyryć hety śpis novymi parušeńniami ŭ Krymie i na Danbasie i h.d. byli adchilenyja.
